અમેરિકાના સુપરમાર્ટમાં ફાયરિંગ, પોલીસ ઓફિસર સહિત કેટલાક લોકોના મોત

- પોલીસે હુમલાખોરને કસ્ટડીમાં લીધો

નવી દિલ્હી, તા. 23 માર્ચ, 2021, મંગળવાર

અમેરિકાના એક સુપરમાર્ટમાં ફાયરિંગની ઘટના સામે આવી છે. કોલોરાડોના બૉલ્ડર વિસ્તારમાં આવેલા સુપરમાર્ટમાં એક શંકાસ્પદ વ્યક્તિએ ફાયરિંગ કર્યું હતું જેમાં એક પોલીસ અધિકારી સહિત અનેક લોકો માર્યા ગયા છે. જાણવા મળ્યા મુજબ તે શંકાસ્પદ વ્યક્તિને પોલીસે કસ્ટડીમાં લઈ લીધી છે. 

પોલીસ એક વ્યક્તિને સુપરમાર્ટમાંથી બહાર લઈને આવી હતી. તેના હાથમાં હાથકડી પહેરાવેલી હતી અને તે લોહીથી લથપથ હતો. બૉલ્ડર પોલીસના કમાન્ડર કેરી યામાગુચીના કહેવા પ્રમાણે હાલ તે શકમંદની સારવાર ચાલી રહી છે અને કોઈ જોખમ નથી. જો કે, પોલીસે મૃતકોની સંખ્યા અને હુમલાનું કારણ જાહેર નથી કર્યું.

બૉલ્ડર કાઉન્ટીના જિલ્લા એટર્ની માઈકલ ડોગર્ટીએ મૃતકોના પરિવારને જાણ કરવામાં આવી રહી હોવાથી ચોક્કસ મૃતકઆંક જાહેર નથી કર્યો તેવી માહિતી આપી હતી. સાથે જ આ ઘટનાને કાઉન્ટીના લોકો માટે એક દુઃસ્વપ્ન સમાન ગણાવી હતી. 

હુમલાની આ ઘટનાના વીડિયો ફુટેજ પણ વાયરલ થઈ રહ્યા છે જેમાં અનેક લોકો જમીન પર પડેલા જોઈ શકાય છે. 

from Top Stories News - Gujarat Samachar : World's Leading Gujarati Newspaper https://ift.tt/3f7mFIL
via IFTTT