STFની આ નવી તકનીકથી તસ્કરો સલવાયા, ડ્રગ્સની નાની એવી પડીકી પણ શોધી કાઢશે મશીન

- ફોન, તોડેલા સિમ શોધવા માટે પણ મશીનોનો ઉપયોગ કરાશે

નવી દિલ્હી, તા. 24 માર્ચ, 2021, બુધવાર

તસ્કરોએ નશીલા પદાર્થો ગમે ત્યાં સંતાડ્યા હશે, હવે એસટીએફને તેને શોધવામાં બિલકુલ સમય નહીં વેડફવો પડે. એસટીએફના નવા સાથી HND (હેન્ડહેલ્ડ નાર્કોટિક્સ ડિટેક્ટર)ની મદદથી આ કામ સરળ બન્યું છે. ઉત્તરાખંડ એસટીએફ દ્વારા મોટા પાયે આ મશીનની ખરીદી કરવા મુખ્યાલયને પ્રસ્તાવ મોકલવામાં આવ્યો છે. 

હકીકતે અત્યાર સુધી માત્ર બાતમીના આધારે ડ્રગ્સ તસ્કરોને પકડવાનું કામ થતું હતું. પોલીસ જો અકસ્માતે કોઈ વ્યક્તિ, વાહન કે અન્ય કોઈ જગ્યાએ નશીલા પદાર્થની તલાશી લેવા ઈચ્છે તો તે અશક્ય હતું. પરંતુ એસટીએફ દ્વારા તેનો ઉકેલ શોધી લેવામાં આવ્યો છે અને મુંબઈ પોલીસના પગલે આ ખાસ ઉપકરણ ખરીદવાની કવાયત હાથ ધરવામાં આવી છે. 

અધિકારીઓના કહેવા પ્રમાણે ચરસ, સ્મૈક, નશીલી દવાઓ જેવા પદાર્થો ક્યાંય પણ સંતાડેલા હશે, આ મશીન તેને શોધી લે છે. જો કોઈએ કારની સ્ટેપની, કપડા કે સામાનની વચ્ચે કોઈ નાની પડીકી સંતાડી હશે તો પણ તે છાનુ નહીં રહે. 

ગુનેગારોના ફોન, સિમ પણ શોધી શકાશે

એસટીએફ જેલમાં રહેલા અને અન્ય ગુનેગારોના મોબાઈલ શોધવા પણ આવા મશીનોનો ઉપયોગ કરશે. આ મશીનો તોડીને ફેંકી દેવામાં આવેલા સિમને પણ શોધી કાઢશે. તેનો લાભ જેલમાં તલાશી દરમિયાન પણ મળશે.

from Top Stories News - Gujarat Samachar : World's Leading Gujarati Newspaper https://ift.tt/3d5pLue
via IFTTT