દીવ અને ખાંભામાં ધોધમાર, ઉના, ગીરગઢડા, વેરાવળ અને કોડીનારમાં ધીમીધારે વરસાદ, ખેડૂતોમાં ખુશીની લહેર
લાંબા સમયના વિરામ બાદ આજે દીવ અને ખાંભામાં ધોધમાર વરસાદ પડ્યો હતો. આ સાથે જગીર સોમનાથ જિલ્લામાં ધીમીધારે વરસાદ શરૂ થયો હતો. જેથી ખેડૂતોમાં ખુશીની લહેર જોવા મળી હતી. ઉના, ગીરગઢડા, વેરાવળ અને કોડીનાર સહિતના ગ્રામ્ય પંથકમાં આજે વહેલી સવારથી જ ધીમીધારે વરસાદ શરૂ થયો હતો. અસહ્ય ગરમી બાદ વરસાદ પડતા વાતાવરણમાં ઠંડક પ્રસરી ગઈ છે.
એક અઠવાડિયાના વિરામ બાદ વરસાદ શરૂ
ગીર પંથકમાં એક અઠવાડિયાના વિરામ બાદ વરસાદ શરૂ થતાં ખેડૂતોના ઉભા પાકને જીવનદાન મળ્યું છે. જેથી ખેડૂતોમાં ખુશીનો માહોલ જોવા મળ્યો હતો. વાવણી બાદ વરસાદ નહીં વરસતા ખેડૂતો ચિંતામાં મુકાયા હતા અને પાક નિષ્ફળ જવાનો ડર સતાવી રહ્યો હતો. ત્યારે આજે ધીમીધારે વરસાદ શરૂ થતાં ખેડૂતોમાં હરખની હેલી પ્રસરી હતી.
દીવમાં ધોધમાર વરસાદ
પ્રવાસન સ્થળ દીવમાં વાદળછાયા વાતાવરણ વચ્ચે વહેલી સવારે ધોધમાર વરસાદ પડ્યો હતો. વરસાદ પડતાં શહેરની બજારોમાં પાણી વહેવા લાગ્યા હતા. આ સાથે જ વાતાવરણમાં ઠંડક પ્રસરી ગઈ હતી.
ખાંભા પંથકમાં વરસાદી માહોલ
વાવણી બાદ ખાંભા તાલુકામાં વરસાદી માહોલ સર્જાતા ખેડૂતોમાં ખુશીનો માહોલ જોવા મળી રહ્યો છે. ડેડાણ, ખડાધાર અને બોરાળા સહિતના ગામોમાં વરસાદ પડ્યો હતો. વરસાદના પગલે ડેડાણની મેઈન બજારોમાં પાણી વહેવા લાગ્યા હતા.
(જયેશ ગોંધીયા-ઉના,હિરેન્દ્રસિંહ રાઠોડ-ખાંભા)
Download Dainik Bhaskar App to read Latest Hindi News Today
from Divya Bhaskar https://ift.tt/2BczRe9
via IFTTT
ટિપ્પણીઓ નથી: