મહિનાઓ પછી એકબીજાને ભેટ્યા તો વચ્ચે પ્લાસ્ટિકમાં વીંટળાયેલી પ્રતિબંધની દીવાલ હતી, આંસુ છલકાયા પણ લૂછી ના શક્યા

ભાવુક કરનારી આ તસવીરોમાં લોકો જે રીતે આલિંગન કરીરહ્યા છે, તે જોઈનેહૃદય દ્રવી ઉઠે છે. એકબીજાને આટલા દિવસો પછી મળ્યા હોય તો પણ આંખમાંથી છલકાયેલા આંસુને લૂછવા એક ડર બની ગયો છે.

આવી પરિસ્થિતિ ક્યાં સુધી રહેશે, તેના વિશે કંઈ પણ કહી શકાય તેમ નથી. જો કે, દુનિયાના મહામારી એક્સપર્ટ પ્રમાણે, માસ્ક લગાવીને પણ સુરક્ષિત રીતે એકબીજાને આલિંગન કરવુંએ ડાયરેક્ટ હાથ મિલાવવાથી વધારે સુરક્ષિત છે. કારણકે તેમાં સંક્રમણ ફેલાવાનું જોખમ ઓછું છે.

તસવીરોમાં જુઓસ્વજનોની મુલાકાતને ઈમોશનલ કરી દે તેવી સ્ટોરી:

59 વર્ષમાં એક દિવસ આવો પણ આવ્યો: લોકડાઉનને લીધે 81 વર્ષીય અગસ્ટીના પોતાના પતિ પેસ્કુઅલ પેરેઝ (84)થી 102 દિવસ દૂર હતી. બંને સ્પેનના બાર્સેલોના શહેરમાં રહે છે. પતિ એક નર્સિંગ હોમમાં હેલ્થ વર્કર છે. આશરે ત્રણ મહિના પછી નર્સિંગ હોમના કર્મચારીઓને તેમના પરિવારજનો સાથે મળવાનો ચાન્સ આપ્યો. પેસ્કુઅલ પોતાના પરિવાર સાથે મળનારા સૌથી પહેલાં માણસ હતા. 22 જૂને તેમની પત્ની અગસ્ટીના મળવા પહોંચી. બંને વચ્ચે પ્લાસ્ટિકની દિવાલ હતી. માસ્ક પહેરીને એકબીજાને કિસ કરતી વખતે તેઓ ઈમોશનલ થઇ ગયા. આ પળ યાદગાર બની ગઈ, કારણ કે બંને છેલ્લા 59 વર્ષમાં ક્યારેય એકબીજાથી અલગ રહ્યા નથી.

થોડા દિવસ પહેલાં બાર્સેલોનાની પુઈગ-આઈ ફાબ્રા હોસ્પિટલ એક યાદગાર અને ઈમોશનલ પળની સાક્ષી બની. લોકડાઉન પછી હવે જ્યારે 61 વર્ષીય ડોલોરેઝ પોતાના લાચાર પિતા જોઝ લોઝાનો(87)ને 4 મહિનામાં પ્રથમવાર મળી તો ઘૂંટણિયેબેસીને તેમને પ્લાસ્ટિકના પડદા પાછળથી જોતી રહી. માસ્ક લગાવી અને PPE કિટ પહેરીને જોઝ વ્હીલચેર પર પોતાની દીકરીને મળવા આવ્યા હતા. આટલા લાંબા સમય પછી એકબીજાને મળવા પર બંનેનીઆંખમાં આંસુ હતાં અને એકબીજાને આશ્વાસન આપી રહ્યા હતા.

સ્પેનમાં મોટાભાગના નર્સિગ હોમની પરિસ્થિતિ આવી જ છે, કારણ કે કોરોનાના વધતા જતા કેસ પછી હેલ્થ વર્કરમાં પણ સંક્રમણના કેસ વધી ગયા. તેઓ લાંબા સમય સુધી નર્સિંગ હોમમાં જ રહેતા હતા. સંક્રમણના કેસ ઘટ્યા પછી પણ હવે પરિવારજનો તેમને મળવા આવે છે પરંતુ એકબીજાને સ્પર્શ કરી શકતા નથી. આ ફોટોમાં પ્લાસ્ટિકથી પોતાના હાથ લપેટીને પિતાએ તેની દીકરીનો હાથ પકડ્યો અને કહ્યું, ચિંતા ના કરો. બધું સારું થઇ જશે. આ સમય પણ જતો રહેશે.

આ નજારો ઇંગ્લેન્ડના ઈસ્ટ મિડલેન્ડ્સ એરપોર્ટનો છે. અહિ ત્રણ મહિનાના લોકડાઉન પછી પ્રથમવાર કોઈ યાત્રી દેખાયા. ફોટોમાં શેનોન અને તેની માતા કેરોલિન છે, શેનોન માર્ચ મહિનામાં સ્પેન ગઈ હતી. મહામારીને લીધે તે પોતાના અંકલનું ધ્યાન રાખવા ગઈ હતી પણ કોરોનાનાં કેસ વધતા તે પરત ના આવી શકી. ત્રણ મહિના પછી તે આવી તો માતાને મળ્યા પછી ઘણી મિનિટ સુધી રડતી હતી. માસ્ક પહેરેલી શેનોને કહ્યું કે, હું એટલી ઈમોશનલ થઇ ગઈ હતી કે મારે બસ રડતા રહેવું હતું.

તસવીરમાં દેખાઈ રહેલી 4 વર્ષની મિલાકેન્સર સામે લડી રહી છે. લોકડાઉનને લીધે છેલ્લા ઘણા મહિનાઓથી તે તેના પિતાથી દૂર હતી. આ દરમિયાન મળવાની પરવાનગી નહોતી. કારણકે મિલાની કેમોથેરપી ચાલી રહી હતી અને ઈમ્યુનિટી ઓછી હોવાથી તેને સંક્રમણનું જોખમ પણ હતું. હાલમાં જ તે તેના પિતાને મળી તો ખુશીથી ઉછળી પડી. મિલા વારંવાર બોલી રહી હતી અને બાકીના લોકો ચુપ હતા, શબ્દોથી મિલા પોતાના પિતાને મળવાની ખુશી વ્યક્ત કરી રહી હતી.

લોકડાઉન દરમિયાન બે લોકોની મુલાકાત વચ્ચે હતી એક કાચની બારી, મિલા પોતાના પિતા સ્કોટને બારીમાંથી જોતી હતી અને ફોન પર વાત કરતી હતી. પિતા સ્કોટ માટે આ સૌથી ખરાબ સમય હતો કારણ કે લોકડાઉન દરમિયાન તેમની માતાનું કોરોનાને લીધે મૃત્યુ થયું હતું અને દીકરી કેન્સર સામે લડી રહી હતી. સ્કોટ પોતાની ભાવનાઓ પર અંકુશ રાખીને દીકરી મિલાને મળવા જતા હતા.

બ્રિટનના એન્ટની કોવિને પોતાની દાદીને મળવા માટે ઘરની બહાર પ્લાસ્ટિકનો પડદો તૈયાર કર્યો હતો, તેમાં પ્લાસ્ટિકના હાથ પણ લગાવ્યા હતા જેથી દાદીને આલિંગન કરીશકાય. એન્ટનીએ પ્લાસ્ટિકના આ પડદાને‘કડલ કર્ટેન’ નામ આપ્યું. એન્ટની એવું ઈચ્છતી હતી કે જ્યારે તે દાદીને મળે તો તેમને સંક્રમણનું જોખમ ના હોય, આ માટે પડદો તૈયાર કર્યો. બંને એકબીજાને ભેટીને ઘણા ભાવુક થયા હતા અને સોશિયલ મીડિયામાં તેમનો વીડિયો પણ વાઈરલ થયો હતો.

Lockdown hug! pic.twitter.com/YzhhQr4mUy

— Ann is still european & in lockdown 😷 (@56blackcat) June 23, 2020

Download Dainik Bhaskar App to read Latest Hindi News Today

Emotional stories behind the masks in spain, america and europe

from Divya Bhaskar https://ift.tt/2Bb7sF0
via IFTTT