ખંભાત પાસે કલમસર GIDC માં ભીષણ આગ લાગી, ફાયર બ્રિગેડની 15 ગાડી ઘટના સ્થળે

 
- ગુજરાતના ઔદ્યોગિક વિસ્તારમાં એક અઠવાડિયામાં આગની ત્રીજી ઘટના

આણંદ, તા. 28 જૂન 2020, રવિવાર

ગુજરાતના ઔદ્યોગિક વિસ્તારોમાં એક અઠવાડિયામાં બીજીવાર આગનો બનાવ સામે આવ્યો છે. રવિવારના રોજ આણંદ જિલ્લામાં આવેલી એક કેમિકલ ફેક્ટરીમાં ભીષણ આગ લાગી છે. આ ઘટનામાં હજુ સુધી કોઈ જાનહાનિના સમાચાર નથી મળ્યા.

આ અંગે મળતી માહિતી અનુસાર ખંભાત સ્થિત GIDCમાં આવેલી એક એક કેમિકલ ફેક્ટરીમાં ભીષણ આગ લાગી છે. આ ઘટનાની જાણ થતાં ફાયર વિભાગ કાફલો ઘટના સ્થળે પહોંચી ગયો છે અને આગ પર કાબૂ મેળવવા ભારે જહેમત કરી રહ્યો છે. આ આગની જાણ થતાં જ સ્થાનિક લોકોમાં દોડધામ મચી હતી, ફેક્ટરી બહાર લોકોની ભીડ એકઠી થઈ ગઈ હતી.

Gujarat: Fire breaks out at a chemical factory in Khambhat, Anand district. 15 fire tenders at the spot, no injuries reported so far. More details awaited. pic.twitter.com/v9wNEbS4e3

— ANI (@ANI) June 27, 2020

આગે વિકરાળ રૂપ ધારણ કરી લેતા આસપાસના ઘરોને ખાલી કરાવી દેવામાં આવ્યા છે. હાલ આ આગ કંઈ રીતે લાગી? તેની જાણકારી હજુ સુધી થઈ શકી નથી. 

પોલીસ પણ લોકોને ત્યાંથી હટાવવા મથી રહી છે. ફાયર વિભાગ દ્વારા હજુ આગ પર કાબૂ મેળવવાની કોશિશ કરવામાં આવી રહી છે.

ઉલ્લેખનીય છે કે એક અઠવાડિયામાં આગની આ ત્રીજી ઘટના છે. 24 જૂનના રોજ સાણંદમાં જીઆઈડીસીમાં ડાયપર બનાવતી જાપાની યુનિચાર્મ કંપનીમાં આગ લાગી હતી. જ્યારે શનિવારના રોજ વલસાડ સ્થિત સરીગામ GIDCમાં આવેલી ફેક્ટરીમાં પણ આગની ઘટના બની હતી.

from Top Stories News - Gujarat Samachar : World's Leading Gujarati Newspaper https://ift.tt/2NCdSjq
via IFTTT