પત્ની એ પતિની ગુલામ કે સંપત્તિ નથી, સાથે રહેવા મજબૂર ન કરી શકાયઃ સુપ્રીમ કોર્ટ

- પતિએ ગુજરાન ભથ્થું ન આપવું પડે માટે પત્ની સાથે રહેવાની તૈયારી બતાવેલી

નવી દિલ્હી, તા. 3 માર્ચ, 2021, બુધવાર

સુપ્રીમ કોર્ટે મંગળવારે એક સુનાવણી દરમિયાન પત્ની પોતાના પતિની ગુલામ કે સંપત્તિ નથી માટે તેને બળજબરીથી પતિ સાથે રહેવા ન કહી શકાય તેમ કહ્યું હતું. એક કેસમાં પતિએ પોતાની પત્નીને સાથે રહેવા આદેશ આપવામાં આવે તેવી માંગણી કરી હતી જેની સુનાવણી દરમિયાન કોર્ટે આ નિવેદન આપ્યું હતું. 

સુનાવણી દરમિયાન સુપ્રીમ કોર્ટના જસ્ટિસ સંજય કિશન અને હેમંત ગુપ્તાએ કહ્યું કે, "તમને શું લાગે છે? શું મહિલા ગુલામ કે સંપત્તિ છે કે અમે આવો આદેશ આપીએ? શું મહિલા કોઈ સંપત્તિ છે જેને અમે તમારા સાથે આવવા કહીએ?"

મહિલાએ કરેલા દાવા પ્રમાણે તેનો પતિ લગ્ન બાદ તેને દહેજ માટે હેરાન કરતો હતો. 2015માં ગોરખપુર કોર્ટે પતિ દર મહિને પત્નીને 20,000 રૂપિયા ગુજરાન ભથ્થું આપે તેવો આદેશ આપ્યો હતો. ત્યાર બાદ પતિએ વૈવાહિક અધિકારો પુનઃસ્થાપિત કરવા એક અરજી નોંધાવી હતી. પતિએ હાઈકોર્ટમાં અરજી નોંધાવીને જો પોતે પત્ની સાથે રહેવા તૈયાર છે તો ગુજરાન ભથ્થું શા માટે આપવાનું તેવો સવાલ કર્યો હતો. અલાહાબાદ હાઈકોર્ટે તેની અરજી ફગાવી દીધી હતી જેથી તેણે સુપ્રીમના બારણે ટકોરા માર્યા હતા. 

from Top Stories News - Gujarat Samachar : World's Leading Gujarati Newspaper https://ift.tt/2NOFbL6
via IFTTT