EVMથી જ ચૂંટણી કરવાનો આગ્રહ કેમ, બેલેટ પેપરથી કેમ નહીં? કોંગ્રેસે ફરી ઉઠાવ્યા સવાલ

નવી દિલ્હી, તા. 21 માર્ચ 2021, રવિવાર

દેશના પાંચ રાજ્યોમાં વિધાનસભાની ચૂંટણી યોજાવા જઈ રહી છે ત્યારે કોંગ્રેસે ફરી એક વખત EVM પર સવાલો ઉભા કર્યા છે. એક ટીવી કાર્યક્રમમાં કોંગ્રેસના નેતા અને મધ્યપ્રદેશના પૂર્વ સીએમ કમલનાથે કહ્યુ હતુ કે, EVMનુ ચક્કર શું છે... મારે દેશની જનતાને પૂછવુ છે કે EVMથી જ ચૂંટણી કરવા માટે ભાજપ જીદ કેમ કરતી હોય છે? EVMમાંથી એવી તો કઈ ખૂશ્બુ આવે છે... જો તમે ચૂંટણી જીતવાના હોય તો બેલેટ પેપરથી ચૂંટણી કરવાની જીતો.ભાજપ કોંગ્રેસના વોટ નહીં પણ જનતાના વોટ લૂંટી રહી છે.

કમલનાથે આગળ કહ્યુ હતુ કે, લોકસભા ચૂંટણીમાં પોતાને બચાવવા માટે ભાજપે ચોક્કસ બેઠકો પર EVM સાથે છેડછાડ કરી હતી.રાજસ્થાનમાં પણ એવુ જ થયુ હતુ.કોંગ્રેસ બેલેટ પેપરથી ચૂંટણી કરવા માટે અભિયાન ચલાવશે.આ માટે આખા દેશમાં આંદોલન કરવામાં આવશે. આ માટે બીજી પાર્ટીઓ સાથે વાત ચાલી રહી છે.

તેમણે કહ્યુ હતુ કે, આજે અમેરિકામાં EVM નથી.આખા યુરોપ અને જાપાનમાં પણ EVM નથી માત્ર આપણા દેશમાં જ EVMથી ચૂંટણી થાય છે.

એ વાત સાચી છે કે, EVMની શરુઆત કોંગ્રેસના શાસનમાં થઈ હતી. પણ તે વખતે આ હદે ટેકનોલોજી વિકસી નહોતી.મારી પાસે સંખ્યાબંધ લોકોએ આવીને ઓફર કરી હતી કે અમે EVM હેક કરી શકીએ છે પણ મેં કહ્યુ હતુ કે, મારે આ પ્રકારની માથાકૂટમાં પડવુ નથી. કમલનાથે કહ્યુ હતુ કે, મધ્યપ્રદેશમાં ભાજપે સોદાબાજી કરીને સરકાર બનાવી છે.મેં મારા સિધ્ધાંતો સાથે સમાધાન કર્યુ નથી.

from Top Stories News - Gujarat Samachar : World's Leading Gujarati Newspaper https://ift.tt/315nidI
via IFTTT