એન્ટીલિયા કેસ: NIA ના એક્શનથી મહારાષ્ટ્રમાં હલચલ, સંજય રાઉતે કહ્યુ, આ રાજ્ય સરકાર માટે સારા સંકેત નથી

મુંબઈ, તા. 14 માર્ચ 2021 રવિવાર

મુંબઈમાં એન્ટીલિયા બહાર શંકાસ્પદ કાર મળવાના મામલે NIAના એક્શનથી મહારાષ્ટ્રમાં રાજકીય હલચલ શરૂ થઈ ગઈ છે. શિવસેના સાંસદ સંજય રાઉતે આને લઈને ચોંકાવનારૂ નિવેદન આપ્યુ છે. તેમનુ કહેવુ છે કે આ મામલે NIAની તપાસની જાણકારી પહેલેથી જ વિપક્ષના નેતા દેવેન્દ્ર ફડણવીસ સુધી પહોંચતી રહી. આ રાજ્ય સરકાર માટે સારા સંકેત નથી.

શિવસેનાના મુખપત્રમાં સંજય રાઉતનુ આ નિવેદન ત્યારે આવ્યુ છે જ્યારે ગત રાતે લાંબી પૂછપરછ બાદ NIAએ આ મામલે મહારાષ્ટ્ર પોલીસના અધિકારી સચિન વાજેની ધરપકડ કરી લીધી છે. ભાજપ હવે એ માગ કરી રહી છે કે સચિન વાજેનો નાર્કો ટેસ્ટ કરાવવામાં આવે જેથી મહારાષ્ટ્ર સરકાર અને તેમની લિંકની સચ્ચાઈ સામે આવી શકે.

આ દરમિયાન સંજય રાઉતે પોતાના લેખમાં લખ્યુ છે કે આ મામલે તપાસ NIAને એટલા માટે આપવામાં આવી છે. જેથી રાજ્ય સરકાર પર દબાણ આપવામાં આવી શકે. તેમણે લખ્યુ કે કેન્દ્રીય તપાસ એજન્સીઓનો ઉપયોગ રાજ્ય સરકાર પર દબાણ બનાવવા માટે કરવામાં આવી રહ્યો છે.

સંજય રાઉતે દાવો કર્યો છે કે આ કેસની જાણકારી વિપક્ષના નેતા દેવેન્દ્ર ફડણવીસ સુધી પહેલા પહોંચતી રહી. આ રાજ્ય સરકાર માટે સારા સંકેત નથી. ફડણવીસને નેતા વિપક્ષ તરીકે પોતાનો ગુમાવેલો આત્મવિશ્વાસ દોઢ વર્ષ બાદ પાછો મળ્યો છે. તેમણે રાજ્ય સરકારને એક મુદ્દા પર ઘેરવાની તક મળી છે. વિધાનસભામાં સત્ર દરમિયાન ચાર દિવસ સુધી ફડણવીસ પર ફોકસ રહ્યુ હતુ.

એન્ટીલિયા કેસમાં NIAની તપાસની વાતનો ઉલ્લેખ કરતા તેમણે કહ્યુ કે આ કેસની તપાસ NIAને ત્યારે સોંપવામાં આવી જ્યારે ભાજપે વિધાનસભામાં આ કેસને ઉઠાવવામાં આવ્યો હતો. કેન્દ્ર સરકારે આની તપાસ એજન્સીને કેમ સોંપી કેમ કે આ ભાજપ માટે સંભવ હતુ. ભાજપ કેન્દ્રમાં છે. આ મહારાષ્ટ્ર જેવા રાજ્યો પર દબાણ બનાવવાનો પેંતરો છે.

સંજય રાઉતે ભાજપ પર નિશાન સાધતા કહ્યુ કે ભાજપ પૂજા ચવ્હાણ અને મનસુખ હિરેનની મોતના મામલે તપાસની માગ તો કરી રહી છે પરંતુ સાંસદ મોહન ડેલ્કરની આત્મહત્યા પર શાંત છે. તેમણે પ્રિવિલેજ કમિટીની સામે આ વાત કહી હતી કે દાદર-નગર હવેલી વહીવટીતંત્ર તેમનો તિરસ્કાર કરી રહ્યો છે. જો આ ચાલુ રહ્યુ તો તે આત્મહત્યા કરી લેશે. સંજય રાઉતે કહ્યુ કે સંસદને કાર્યવાહી માટે આ કેસમાં વધુ શુ પુરાવા જોઈએ.

from Top Stories News - Gujarat Samachar : World's Leading Gujarati Newspaper https://ift.tt/3bKhJHX
via IFTTT