TMCમાં જોડાયા ભાજપના વરિષ્ઠ નેતા યશવંત સિન્હા, અટલ સરકારમાં હતા નાણા મંત્રી

- યશવંત સિન્હા પશ્ચિમ બંગાળમાં ચૂંટણી પ્રચાર કરે તેવી શક્યતા

નવી દિલ્હી, તા. 13 માર્ચ, 2021, શનિવાર

પૂર્વ કેન્દ્રીય મંત્રી યશવંત સિન્હા શનિવારે મમતા બેનર્જીની પાર્ટી તૃણમૂલ કોંગ્રેસમાં સામેલ થઈ ગયા છે. તેમણે કોલકાતા ખાતે ટીએમસીના કાર્યાલયમાં જઈને પાર્ટી જોઈન કરી હતી. પશ્ચિમ બંગાળની ચૂંટણી પહેલા યશવંત સિન્હાએ ટીએમસીમાં જોડાવાનો નિર્ણય લીધો છે. અટલ બિહાર વાજપેયીની સરકારમાં નાણા મંત્રી રહી ચુકેલા યશવંત સિન્હા 2014 બાદ મોદી સરકારના ટીકાકારો પૈકીના એક તરીકે ઉભરી આવ્યા છે. 

ટીએમસીમાં જોડાયા બાદ સિન્હા પશ્ચિમ બંગાળમાં ચૂંટણી પ્રચાર કરશે તેવી શક્યતા છે. યશવંત સિન્હાએ અનેક વખત આર્થિક મામલે મોદી સરકારની ટીકા કરેલી છે. 2014થી 2019 દરમિયાન તેમના દીકરા જયંત સિન્હા રાજ્યના નાણા મંત્રી હતા તે સમયે પણ તેમણે અનેક વખત પાર્ટી નેતૃત્વની ટીકા કરી હતી. 

પશ્ચિમ બંગાળની 294 વિધાનસભા બેઠકો માટે 8 તબક્કામાં મતદાન યોજાશે. આગામી 27 માર્ચના રોજ પ્રથમ તબક્કાનું મતદાન યોજાશે. ત્યાર બાદ પહેલી એપ્રિલે બીજા રાઉન્ડનું વોટિંગ થશે. 

from Top Stories News - Gujarat Samachar : World's Leading Gujarati Newspaper https://ift.tt/3tlo6aJ
via IFTTT