રથયાત્રાના 143 વર્ષના ઈતિહાસમાં પહેલીવાર ભગવાન રથમાં બિરાજમાન થવા છતાં 9 વાગ્યા સુધી રથ મંદિરમાં જ રહ્યા

આખી રાત ચાલેલા હાઈવોલ્ટેજ ડ્રામા બાદ અમદાવાદના જગન્નાથ મંદિરમાં હવે રથને મંદિરના દરવાજા સુધી લઈ જવા કે નહીં તે બાબતે મંદિરના મહંત-ટ્રસ્ટી સામે સરકાર-પોલીસ વચ્ચે મડાગાંઠ ચાલુ છે. મામલો મંદિરની પરિક્રમા મુદ્દે અટવાતા 143 વર્ષમાં પહેલીવાર એવું બન્યું છે કે સવારે 9 વાગ્યા સુધી મંદિર ભગવાના રથમાં બીરાજ્ય હોવા છતાં ત્રણેય રથ 9 વાગ્યા સુધી મંદિરમાં પડી રહ્યા છે.

પરંપરાનું પાલન કરવા મથામણ
મંદિર તરફથી કોઈપણ ભોગે રથને એકવાર મંદિરના દ્વાર બહાર કાઢીને પરંપરાનું પાલન કરવા મથામણ કરાઈ રહી છે. ત્યારે હાઈકોર્ટે હવે મધરાતે રથયાત્રા નીકાળવાની ના પાડી દેતા સરકાર અને પોલીસ રથને ગેટ બહાર કાઢવાનું જોખમ લેવા લગીરે પણ તૈયાર નથી.

ગઈકાલથી મંદિરના મહંત અને ટ્રસ્ટીનો મંદિર બહાર રથ લઈ જવા આગ્રહ
જગન્નાથ મંદિરના મહંત દિલીપદાસજી તથા ટ્રસ્ટી મહેન્દ્ર ઝા ગઈકાલથી જ આગ્રહ કરી રહ્યા છે કે રથને એકવાર મંદિરના ગેટની બહાર કાઢીને રથયાત્રાની 142 વર્ષ જૂની પરંપરાને જાળવી રાખવામાં આવે. પરંતુ હાઈકોર્ટે રથયાત્રાની ના પાડી દેતા કોઈપણ સંજોગોમાં રથ મંદિરના મુખ્ય દરવાજાની બહાર ન નીકળે તે માટે હવે સરકાર અને પોલીસ સમક્ષ મોટો પડકાર ઊભો થયો છે.

પોલીસ માટે લાગણીવશ લોકોને કાબૂમાં રાખવા મુશ્કેલ બને
મંદિરની બહાર એકવાર રથ નીકળી જાય તો પછી લાગણીવશ થયેલા લોકો કાબૂમાં નહીં રહે તેવો પોલીસ અને સરકારી તંત્રને ડર છે. કારણ કે ભગવાનના ભક્તો અને શહેરીજનો આતૂરતાથી નગરના નાથના દર્શન માટે તડપી રહ્યા છે આવામાં રથને મંદિરને સહેજ પણ મંદિર બહાર કઢાય તો લોકોની લાગણીઓ પર કાબૂ પર મુશ્કેલ થઈ જશે અને રથ સતત આગળ વધ્યા કરશે તો આ આખી કવાયત નિરર્થક થઈ જશે તેવો સરકારને ડર સતાવી રહ્યો છે.

સમજાવટ માટે ગૃહરાજ્યમંત્રી આખી રાત મંદિરમાં જ રહ્યા
મંદિરના મહંત દિલીપદાસજી અને ટ્રસ્ટી મહેન્દ્ર ઝાને સમજાવવા માટે ગઈકાલ રાતથી ગૃહરાજ્યમંત્રી પ્રદીપસિંહ જાડેજા જગન્નાથ મંદિરમાં ધામો નાખીને બેઠા છે આ ઉપરાંત ડીજીપી પણ વહેલીથી મંદિરે છે અને સમજાવટનો પ્રયાસ કરી રહ્યા છે. સામા પક્ષે મંદિરમાંથી બહાર પરિક્રમા માંગણી કરાઈ રહી છે. આ સ્થિતિમાં 143 વર્ષમાં પહેલીવાર એવું બન્યું છે કે સવારે 9 વાગ્યા સુધી મંદિરમાં ભગવાન રથમાં બિરાજ્યા હોવા છતાં ત્રણેય રથ 9 વાગ્યા સુધી મંદિરમાં પડી રહ્યા છે.

Download Dainik Bhaskar App to read Latest Hindi News Today

first time in the 143 years history of Ahmedabad Jagnnath Rathyatra lord in Chariot but remained in Temple till 9 AM

from Divya Bhaskar https://ift.tt/2Nmk8vo
via IFTTT