આજે સવારે દિલ્હીમાં ધોધમાર વરસાદ વરસ્યો, આગામી બે દિવસ સુધી ભારે વરસાદની આગાહી

નવી દિલ્હી, તા. 03 જાન્યુઆરી 2021 રવિવાર

દેશની રાજધાની દિલ્હીના ઘણા બધા વિસ્તારોમાં આજે પરોઢિયે વીજળીના કડાકા સાથે મુશળાધાર વરસાદ વરસી રહ્યો છે. હવામાન વિભાગે દિલ્હી, રાજસ્થાન, હરિયાણા, ઉત્તરપ્રદેશ સહિતના ઘણા રાજ્યોમાં 03 જાન્યુઆરી સુધી વરસાદ વરસવાની આશંકા વર્તાવી છે. 

દિલ્હી-એનસીઆરમાં ભારે ઠંડી વચ્ચે ધોધમાર વરસાદ વરસવાને કારણે હવામાન વિભાગનો મિજાજ બદલાઈ ગયો છે. IMDના અનુસાર રાજગઢ, અલવર, દૌસા, સોનીપત, દાદરી, નોઈડા, ગાઝીયાબાદ, અલીગઢ, બદાયું, મોદીનગર, મથુરા, હાથરસ, જિંદ, પાણીપત, કરનાલ સહિતના વિસ્તારોમાં વરસાદનું અનુમાન જાહેર કર્યું છે.

દિલ્હી-NCRમાં શીત લહેર વચ્ચે ધોધમાર વરસાદ

હવામાન વિભાગ અનુસાર ખુર્જા, એટા, કિશનગંજ, અમરોહા, મુરાદાબાદ, ચંદૌસી, આગ્રા, મથુરા, નોઈડામાં હળવાથી મધ્યમ વરસાદ વરસવાની શક્યતાઓ છે. 

હવામાન વિભાગે પૂર્વાનુમાનમાં દિલ્હીમાં વરસાદની આગાહી કરી હતી 

હવામાન વિભાગે જણાવ્યું હતું કે વર્ષના પ્રથમ અઠવાડીયે દિલ્હી-એનસીઆરમાં ઠંડીની વચ્ચે વરસાદ વરસશે, દિલ્હીને વર્ષના પહેલા દિવસે ધુમ્મસે રડાવ્યા તો બીજી તરફ બીજા દિવસે વરસાદ વરસવાથી લોકો હેરાન-પરેશાન થયા અને આકાશમાં વાદળોનો પગદંડો રહ્યો.

from Top Stories News - Gujarat Samachar : World's Leading Gujarati Newspaper https://ift.tt/2LaYigy
via IFTTT