દિલ્હી હિંસાનો આરોપી દીપ સિદ્ધૂ ઝડપાયો, દિલ્હી પોલીસે દબોચ્યો

નવી દિલ્હી, તા. 09 ફેબ્રુઆરી 2021, મંગળવાર

26 જાન્યુઆરીએ ખેડુતોની ટ્રેક્ટર રેલીમાં થયેલી હિંસાનો મુખ્ય આરોપી દીપ સિદ્ધૂને દિલ્હી પોલીસની સ્પેશ્ય સેલે ઝડપી પાડ્યો છે. લગભગ 15 દિવસ ફરાર રહ્યાં બાદ મંગળવારે દિલ્હી પોલીસની સ્પેશ્યલ સેલે તેની ધરપકડ કરી છે. પોલીસે તેના પર 1 લાખનું ઈનામ રાખ્યું છે. હાલ તે કન્ફર્મ નથી થયું કે તેની ધરપકડ ક્યાંથી થઈ છે.

દીપ સિદ્ધૂની દિલ્હી પોલીસની સ્પેશ્યલ સેલે ધરપકડ કરી છે. 26મી જાન્યુઆરી બાદથી મુખ્ય આરોપી દીપ સિદ્ધૂ ફરાર હતો. જોકે દીપ સિવાય પૂર્વ ગેંગસ્ટર લખ્ખા સિધના અને લાલ કિલ્લા પર ઝંડો ફરકાવનારો જુગરાજ હજુ ફરાર છે. દિલ્હી પોલીસે હિંસા ફેલાવનારા લગભગ 50 લોકોની તસવીરો પણ જાહેર કરી છે.

દિલ્હીમાં લાલ કિલા પર ધાર્મિક ધ્વજ ફરકાવવાના અને રમખાણો કરવાના આરોપમાં દિલ્હી પોલીસે દેશદ્રોહ અને UAPA હેઠળ કેસ નોંધ્યો છે. કેસની તપાસ રહેલી દિલ્હી પોલીસની સ્પેશ્યલ સેલ કરી રહી છે. 

from Top Stories News - Gujarat Samachar : World's Leading Gujarati Newspaper https://ift.tt/3oX5tqQ
via IFTTT