ગૃહમંત્રી અમિત શાહ આજે અમદાવાદ આવશે, પ્રદેશના નેતાઓ સાથે કરશે બેઠક

અમદાવાદ, તા. 07 ફેબ્રુઆરી 2021, રવિવાર

આગામી સ્થાનિક સ્વરાજ્યની ચૂંટણીને લઈને રાજ્યમાં ચૂંટણી માહોલ ગરમાયેલો છે. મહાનગરપાલિકાની ચૂંટણીની ટીકીટોની ફાળવણી બાદ ભાજપમાં કહી ખુશી, કહી ગમનો માહોલ છે એ વચ્ચે કેન્દ્રીય ગૃહમંત્રી અમિત શાહ આજે અમદાવાદની ઉડતી મુલાકાત કરવાના છે.

અમિત શાહ પોતાના લોકસભા મતવિસ્તાર ગાંધીનગરની સંકલન બેઠક માટે અમદાવાદ આવી રહ્યાં હોવાનું જણાવાઇ રહ્યું છે તેમજ તેઓ પ્રદેશના નેતાઓ સાથે પણ બેઠક કરશે. જ્યારે બીજી બાજુ એવી પણ ચર્ચા પણ થઈ રહી છે કે તેઓ ટીકિટ ફાળવણી બાદ ઉભી થયેલી નારાજગી અને ડેમેજ કંટ્રોલ માટે આવી રહ્યાં છે.

from Top Stories News - Gujarat Samachar : World's Leading Gujarati Newspaper https://ift.tt/2YTUKmA
via IFTTT