હેમાલી બોઘાવાલા બન્યા સુરતના નવા મેયર, દિનેશ જોધાણી બન્યા ડેપ્યુટી મેયર

સુરત, તા. 12 માર્ચ 2021, શુક્રવાર

આજે રાજ્યની ત્રણ મહાનગરપાલીકા રાજકોટ, અમદાવાદ અને સુરતન મહાનગરપાલિકાના હોદ્દેદારોની જાહેરાત આજે થવાની છે જેના અનુસંધાને સુરત મહાનગરપાલિકાના મેયર, ડેપ્યુટી મેયર, સ્ટેન્ડિંગ કમિટિના ચેરમેનની જાહેરાત કરવામાં આવી છે.

સુરત મહાનગરપાલિકાના હોદ્દેદારોની આજે પ્રદેશ ભાજપ દ્વારા જાહેરાત કરવામાં આવી છે. જેમાં મેયર તરીકે હેમાલી બોઘાવાલા, ડેપ્યુટી મેયર તરીકે દિનેશ જોધાણી, સ્ટેન્ડિંગ કમિટિના ચેરમેન તરીકે પરેશ પટેલ, શાસક પક્ષના નેતા તરીકે અમિતસિંહ રાજપુત અને દંડક તરીકે વિનોદ પટેલની પ્રદેશ ભાજપ દ્વારા નિયુક્તિ કરવામાં આવી છે.

જણાવી દઈએ કે રાજ્યમાં મહાનગરપાલિકામાં ચૂંટણીમાં ભાજપની મોટી જીત થઈ છે. અમદાવાદ, વડોદરા, ભાવનગર મહાનગરપાલિકાના હોદ્દેદારોની વરણી કરવામાં આવી ચુકી હતી. સુરત, જામનગર અને રાજકોટ મનપાના હોદ્દેદારોના નામોની જાહેરાત બાકી હતી ત્યારે આજે સુરત મહાનગરપાલિકાના હોદ્દેદારોના નામ જાહેર કરાયા છે અને આજે સાંજ સુધીમાં રાજકોટ અને જામનગરના હોદ્દેદારોના નામ પણ જાહેર થઈ જશે.

from Top Stories News - Gujarat Samachar : World's Leading Gujarati Newspaper https://ift.tt/2OpXLJt
via IFTTT