ચીનમાં દોઢ ફૂટ બામ્બૂ રેટ્સ પ્રકારના ઉંદરોને મારવામાં આવી રહ્યા છે, 5 કિલો વજનનાં આ ઉંદરોને અહીં શક્તિ વધારવા માટે ખાવામાં આવે છે

કોરોનાનાં ડરથી પેંગોલિન અને અન્ય દુર્લભ પ્રાણીઓ પર પ્રતિબંધ મૂક્યા બાદ હવે ચીનમાં લગભગ દોઢ ફૂટ લાંબા ઉંદરોને મારવામાં આવી રહ્યા છે. ચીનની સરકારે દેશમાં જંગલી પ્રાણીઓના વેપાર અને તેને ખાવા પર પ્રતિબંધ મૂક્યો છે.

ડેઇલી મેઇલ અને ધ ગ્લોબસ ટાઈમ્સના અનુસાર, કોરોનાનું સંક્રમણ ફેલાવવાની કડીમાં બામ્બૂ રેટ્સ પ્રકારના ઉંદરોનું નામ સામે આવવા પર દેશમાં પગલું ભરવામાં આવ્યું છે. અહીં હુબઈ પ્રાંતના એક ફાર્મમાં પ્રથમ જથ્થામાં 1.6 ટનઉંદરોને દફનાવીને નાશ કરવામાં આવ્યો હોવાનો વીડિયો સામે આવ્યો છે.

બામ્બૂ રેટ્સ પ્રકારના ઉંદરો ઝાડા હોય છે, અહીંના લોકો માને છે કે તેને ખાવાથી શક્તિ વધે છે અને તેમાં વધારે પ્રમાણમાં પોષક તત્ત્વ હોય છે. આ ઉંદરોનો પ્રયોગ ચીનની દવામાં મોટા પ્રમાણમાં થાય છે.

ખેડૂતો પાસેથી ઉંદરો લઈને તેમને દફનાવવામાં આવી રહ્યા છેઃ ચીનમાં મહામારીનું કેન્દ્ર હુબેઇ પ્રાંતના શિયાનના શહેરમાં તાજેતરમાં 900 બામ્બૂ રેટ્સ પ્રકારના ઉંદરોને દફનાવવામાં આવ્યા. આ ઉંદરો સ્થાનિક ખેડૂત દ્વારા ઉછેરવામાં આવ્યા હતા, જેમની પાસેથી તેમને લઈ લેવામાં આવ્યા અને કાર્યવાહી કરવામાં આવી હતી. ઉંદરો ઉપરાંત 7 સેહીને મારવામાં આવ્યા, જેનું વજન 140 કિલો હતું. ઉંદરોને મારતા પહેલાં તેમના પર લાઈમ પાવડર છાંટવામાં આવ્યો જેથી સંક્રમણનું જોખમ ઓછું થઈ શકે.

આ ઉંદરો વાંસની દાંડીમાં રહે છે: ચીનના બામ્બુ રેટ્સ પ્રકારના ઉંદરો 'ઝુ સુ' તરીકે પણ ઓળખાય છે. તે લાંબા અને ઝાડા હોય છે. જે જંગલમાં આવેલા વાંસની દાંડીમાં પોતાનું ઘર બનાવીને રહે છે એટલા માટે તેમનું નામ બામ્બુ રેટ્સ રાખવામાં આવ્યું. તેમનું વજન 5 કિલો સુધી હોય છે. ચીનના બામ્બુ રેટ્સની લંબાઈ 17 ઈંચ સુધી હોય છે.

ચીનની દવાઓમાં તેનો પ્રયોગઃ બામ્બુ રેટ્સ પ્રકારના ઉંદરનો ઉપયોગ ચીનની પરંપરાગત દવાઓમાં કરવામાં આવે છે. મેડિલક પ્રેક્ટિસનું માનવું છે કે, આ ઉંદરોનું મીટ ખાવાથી શરીરમાં ઝેરી તત્ત્વો બહાર નીકળી જાય છે. પદ્ધતિના અનુસાર, તેને ખાવાથી પેટ અને બરોળ એટલે કે સ્પ્લીનની કાર્યક્ષમતામાં સુધારો થાય છે. ચીનના ખેડૂતો આ ઉંદરનો વેપાર કરીને સારી આવક મેળવે છે, એટલા માટે ગ્રામીણ વિસ્તારમાં તેમનો ઉછેર વધારે કરવામાં આવે છે.

ચીનમાં ઉંદરની વાનગીઓ પ્રખ્યાત છે:ઉંદરના વ્યવસાય સાથે સંકળાયેલા ઝુસુના જણાવ્યા પ્રમાણે, એક જીવતા બામ્બુ રેટ્સની કિંમત 10 હજાર રૂપિયા સુધી હોય છે. એક કિલો ગ્રીલ કરવામાં આવેલા ઉંદર 3 હજાર રૂપિયા સુધી મળે છે. ઝુસૂએ બ્રીડિંગ ફોરમના ઓનલાઈન પેજમાં આ ઉંદરોની 30 પ્રકારની રેસિપી જણાવવામાં આવી છે. તેને રોસ્ટ, ગિલ્સ, ફ્રાય અથવા સૂપમાં રાંધીને તૈયાર કરવામાં આવે છે. તેની વાનગીઓ ચીનમાં ફેમસ છે.

ચીનમાં પ્રાણીઓની ભૂમિકા પર પ્રશ્નો: ડિસેમ્બરમાં વુહાનના માર્કેટમાંથી જ કોરોના ફેલાયો હોવાની વાત સામે આવ્યા બાદ ઘણી વખતે પ્રાણીઓના વેપાર અને ચીનમાં તેને ખાવાને લઈને પ્રશ્નો ઉઠવ્યા છે. ચીનના મહામારી નિષ્ણાત ડો. ઝોન્ગ નેનશનના જણાવ્યા પ્રમાણે, અત્યાર સુધી એ સ્પષ્ટ નથી થયું કે, વાઈરસનો સોર્સ શું છે. ઘણા નિષ્ણાતોએ મહામારીને ફેલાવવામાં ચામાચીડિયા અને પેંગોલિનની ભૂમિકા પર સવાલ ઉઠાવ્યા છે.

પ્રાણીઓ સાથે સંકળાયેલી ગાઈડલાઈન જાહેર થઈ હતીઃ દક્ષિણ ચીનમાં જંગલી પ્રાણીઓના ફાર્મિંગને લઈને ગાઈડલાઈન બહાર પાડવામાં આવી હતી. ગાઈડલાઈનના અનુસાર, ખેડૂતો પાસેથી લેવામાં આવેલા પ્રાણીઓને પાછા જંગલમાં છોડવામાં આવશે અથવા તેનો ઉપયોગ રિસર્ચમાં કરવામાં આવશે. કોઈ પ્રાણીને મનુષ્યને સોંપતી વખતે કાળજી લેવામાં આવશે. એવા પ્રાણીઓ જેનાથી સંક્રમણનું જોખમ છે તેમને મારી નાખવામાં આવશે. ખેડુતોને પ્રાણી દીઠ 430થી 21 હજાર રૂપિયા વળતર તરીકે આપવામાં આવશે.

Download Dainik Bhaskar App to read Latest Hindi News Today

One and a half feet of bamboo rats are being killed in China, these rats weighing 5 kg are eaten here to increase their strength.

from Divya Bhaskar https://ift.tt/382nGfN
via IFTTT