પુરુષોના શરીરમાં 14% વધારે એન્ટિબોડી બને છે, તેમને મહિલાઓ કરતાં વધારે જોખમ છે, પરંતુ ઈમ્યુનિટીમાં તેઓ આગળ છે

પુરુષોમાં કોરોનાથી મૃત્યુનું જોખમ ભલે મહિલાઓ કરતાં વધારે હોય પરંતુ શરીરમાં એન્ટિબોડી બનાવવાના મામલે તેઓ આગળ છે. બ્રિટનની સૌથી મોટી સ્વાસ્થ્ય એજન્સી NHS (નેશનલ હેલ્થ સર્વિસ)ના જણાવ્યા પ્રમાણે, કોરોનાથી સંક્રમિત પુરુષોમાં મહિલાઓની સરખામણીએ વધારે એન્ટિબોડી બને છે.

તાજેતરમાં તેના પર રિસર્ચ કરવામાં આવ્યું. રિસર્ચનું લક્ષ્ય તે જાણવાનું હતું કે, કોરોના સર્વાઈવરના બ્લડ પ્લાઝ્માને સંક્રમિત દર્દીઓમાં ચઢાવવામાં આવે તો એન્ટિબોડી વાઈરસ સામે લડવામાં કેટલી અસરકારક સાબિત થાય છે. તેમનામાં ઈમ્યુનિટીનું પ્રમાણ કેટલું વધે છે.

NHSએશરૂ કર્યો હતો થેરેપી પ્રોગ્રામ
NHSએતાજેતરમાં કોરોનાના દર્દીઓ માટે બ્લડ એન્ટ ટ્રાન્સપ્લાન્ટ પ્રોગ્રામ શરૂ કર્યો હતો. ટ્રાયલ દરમિયાન જાણવા મળ્યું કે, સંક્રમિત પુરુષોમાં 43 ટકા અને મહિલાઓમાં 29 ટકા એન્ટિબોડી વિકસિત થઈ હતી.
NHSકોરોના સર્વાઈવરને બ્લડ પ્લાઝ્મા ડોનેટ કરવા માટે અપીલ કરી રહ્યું છે, જેથી તેને કોરોનાનાં દર્દીઓમાં ચઢાવીને ઈમ્યુન રિસ્પોન્સને સમજી શકાય.

વધુ લોકોના જીવ બચાવી શકાય
બ્લડ એન્ડ ટ્રાન્સપ્લાન્ટ પ્રોગ્રામના એસોસિયેટ ડાયરેક્ટ પ્રો. ડેવિડ રોબર્ટ્સના જણાવ્યા પ્રમાણે, આ સમયે ડોનર્સની જરૂર છે. અમે પ્લાઝ્મા ડોનેટ કરનારા લોકોની તપાસ કરીએ છીએ.

પુરુષોમાં એન્ટિબોડીનું પ્રમાણ વધારે છે, જેનો અર્થ એ છે કે આપણે વધારે લોકોનો જીવ બચાવી શકીએ છીએ.

એન્ટિબોડી જરૂરી છે
પ્રો. ડેવિડના જણાવ્યા પ્રમાણે, સંક્રમણની શરૂઆતમાં તમારી ઈમ્યુનિટી સિસ્ટમ સફેદ રક્તકણો સાથે મળીને વાઈરસને નષ્ટ કરવાનો પ્રયાસ કરે છે. પરંતુ જ્યારે તમે વધારે બીમાર થઈ જાવ છે તો ઈમ્યુન સિસ્ટમને વધારે એન્ટિબોડી પેદા કરવાની જરૂર પડે છે, જેથી વાઈરસનો નાશ કરી શકાય. એટલા માટે આ પ્રોગ્રામ મહત્ત્વપૂર્ણ છે.

કોરોના દર્દીઓને પ્લાઝ્મા થેરેપી આપી શકાય છે
પ્રો. ડેવિડના જણાવ્યા પ્રમાણે, અમારા અને સમગ્ર દુનિયામાં થયેલા રિસર્ચના અનુસાર, કોવિડ-19નું સંક્રમણ પુરુષોમાં વધારે થઈ રહ્યું છે. એટલા માટે જો પુરુષો પ્લાઝ્મા ડોનેટ કરે છે તો તેમની રિકવર થવાની સંભાવના પણ વધારે છે.

ગયા અઠવાડિયે, કોરોના પોઝિટવ દર્દીઓને આ બ્લડ પ્લાઝ્મા ટ્રાયલ પ્રોગ્રામમાં સામેલ થવા માટે કહેવામાં આવ્યું હતું. જો આ ટ્રાયલ સંપૂર્ણ રીતે સફળ થાય છે તો બ્રિટનની હોસ્પિટલોમાં પ્લાઝ્માં થેરેપી શરૂ કરવામાં આવશે.

Download Dainik Bhaskar App to read Latest Hindi News Today

Men produce more COVID 19 antibodies than women Men make 14% more antibodies in their body, they are at higher risk than women, but they are ahead in immunity

from Divya Bhaskar https://ift.tt/2Vf3ORz
via IFTTT