ડોનાલ્ડ ટ્રમ્પ સમર્થકોના હિંસક પ્રદર્શન પર PM મોદીની ટ્વીટ કહ્યુ, સત્તા પરિવર્તન શાંતિપૂર્ણ રીતે થવુ જોઈએ

નવી દિલ્હી, તા. 7 જાન્યુઆરી 2021 ગુરૂવાર

ડોનાલ્ડ ટ્રમ્પના સમર્થકોએ ઈલેક્ટોરલ કૉલેજને લઈને બેઠક પહેલા ગુરૂવારે કેપિટલ બિલ્ડિંગમાં ભારે હોબાળો મચાવ્યો અને તોડફોડ કરી. જે બાદ ભારતીય વડા પ્રધાન નરેન્દ્ર મોદીએ ટ્વીટ કરી અને કહ્યુ કે સત્તા પરિવર્તન શાંતિપૂર્ણ રીતે થવુ જોઈએ.

વૉશિંગ્ટન ડીસીની હિંસા જોઈને ચિંતિત: પીએમ મોદી

પીએમ નરેન્દ્ર મોદીએ ટ્વીટ કરીને કહ્યુ, વૉશિંગ્ટન ડીસીમાં હુલ્લડ અને હિંસા વિશે જાણકારી મળ્યા બાદથી ઘણો ચિંતિત છુ. સત્તાનુ હસ્તાંતરણ ક્રમબદ્ધ અને શાંતિપૂર્ણ રીતે થવુ જોઈએ. ગેરકાયદેસર વિરોધના માધ્યમથી લોકતાંત્રિક પ્રક્રિયાને પ્રભાવિત થવા દેવાય નહીં.  

બ્રિટનના પીએમે જણાવી શરમજનક હરકત

બ્રિટનના વડા પ્રધાન બોરિસ જ્હોનસને ટ્વીટ કરીને કહ્યુ, અમેરિકી કોંગ્રેસમાં શરમજનક હરકત. સંયુક્ત રાજ્ય અમેરિકા દુનિયાભરમાં લોકતંત્ર માટે ઉભો હોય છે અને હવે આ મહત્વપૂર્ણ છે કે સત્તાનું શાંતિપૂર્ણ અને વ્યવસ્થિત રીતે હસ્તાંતરણ થવુ જોઈએ.

અમેરિકી સંસદમાં ઘૂસી ગયા ટ્રમ્પ સમર્થક

અમેરિકી સંસદના બંને સદન એટલે કે સિનેટમાં બુધવારે ઈલેક્ટોરલ કોલેજના મતની ગણતરી અને બાઈડનની જીત પર મોહર લગાવવા માટે બેઠક શરૂ થઈ. આ દરમિયાન ડોનાલ્ડ ટ્રમ્પના સેંકડો સમર્થક સંસદની બહાર એકત્ર થયા. નેશનલ ગાર્ડસ અને પોલીસ આને સમજાવવાનો પ્રયત્ન કર્યો. પરંતુ કેટલાક લોકો કેપિટલ બિલ્ડીંગની અંદર ઘૂસી ગયા અને મોટા પાયે તોડફોડ કરી. આ દરમિયાન ગોળી પણ ચાલી અને એક મહિલાનુ મોત નીપજ્યુ. જોકે, હજુ સુધી સ્પષ્ટ નથી કે ફાયરીંગ કોણે કર્યુ હતુ.

શુ છે સમગ્ર વિવાદ?

અમેરિકામાં રાષ્ટ્રપતિ પદ માટે 3 નવેમ્બરે ચૂંટણી થઈ હતી, જેમાં ડેમોક્રેટિક પાર્ટીના ઉમેદવારે જો બાઈડને 306 ઈલેક્ટોરલ કોલેજ વોટ અને રિપબ્લિકન પાર્ટીના ઉમેદવાર ડોનાલ્ડ ટ્રમ્પને 232 વોટ મળ્યા હતા. તેમ છતાં ટ્રમ્પે હાર સ્વીકાર કરી નહીં અને સતત આરોપ લગાવતા રહ્યા કે ચૂંટણીમાં મોટા પાયે ગડબડ થઈ છે. જેને લઈને કેટલાક રાજ્યોમાં ટ્રમ્પ સમર્થકો દ્વારા કેસ પણ નોંધવામાં આવ્યો પરંતુ મોટાભાગે મામલે કોર્ટે ફગાવી દીધુ. હવે ટ્રમ્પ સમર્થક હિંસા પર ઉતરી ગયા છે.

from Top Stories News - Gujarat Samachar : World's Leading Gujarati Newspaper https://ift.tt/3q0AbA7
via IFTTT