NSA અજીત ડોભાલ પર હુમલાનો પાકિસ્તાનનો પ્લાન જાહેર, જૈશના આતંકવાદીએ કર્યો ખુલાસો

- કાર્યાલયની રેકી કરીને સરહદ પાર મોકલ્યો વીડિયો

નવી દિલ્હી, તા. 13 ફેબ્રુઆરી, 2021, શનિવાર

ભારતમાં આતંક ફેલાવવાના પાકિસ્તાનના ષડયંત્રનો ફરી એક વખત પર્દાફાશ થયો છે. થોડા દિવસો પહેલા ધરપકડ કરવામાં આવેલા જૈશ-એ-મોહમ્મદના આતંકવાદીએ કેવી રીતે પાકિસ્તાન ભારતના રાષ્ટ્રીય સુરક્ષા સલાહકાર (NSA) અજીત ડોભાલ પર નજર રાખી રહ્યું છે તેનો ખુલાસો કર્યો છે. આ માટે પાકિસ્તાને ડોભાલના કાર્યાલયની રેકી પણ કરાવી હતી. 

જૈશ-એ-મોહમ્મદના આતંકવાદીએ પોતે પાકિસ્તાની હેન્ડલરના નિર્દેશ પર રાજધાનીમાં સરદાર પટેલ ભવન અને અન્ય મહત્વના ઠેકાણાઓની રેકી કરી હોવાનો ખુલાસો કર્યો ત્યાર બાદ અજીત ડોભાલના કાર્યાલય અને આવાસ બહારની સુરક્ષામાં વધારો કરી દેવામાં આવ્યો છે. 

અજીત ડોભાલ ભારતના સૌથી વધારે પ્રોટેક્ટેડ શખ્સો પૈકીના એક છે. 2016ની ઉરી સર્જિકલ સ્ટ્રાઈક અને 2019ના બાલાકોટ એટેક બાદ તે પાકિસ્તાનથી સંચાલિત થતા આતંકવાદી જૂથોના ટાર્ગેટમાં છે. એક અધિકારીના કહેવા પ્રમાણે અજીત ડોભાલ પરના સંભવિત જોખમને લઈને સુરક્ષા એજન્સીઓ અને ગૃહ મંત્રાલયને સચેત કરી દેવામાં આવ્યા છે. 

દિલ્હી અને શ્રીનગરના અધિકારીઓએ જણાવ્યું કે, જૈશના આતંકવાદી હિદાયત-ઉલ્લાહ મલિકની પૂછપરછ દરમિયાન અજીત ડોભાલના કાર્યાલયની જાસૂસીના વીડિયો અંગે જાણ થઈ હતી. શોપિયાંના રહેવાસી જૈશના ઓપરેટર મલિકની ગત 6 ફેબ્રુઆરીના રોજ ધરપકડ કરવામાં આવી હતી. 

from Top Stories News - Gujarat Samachar : World's Leading Gujarati Newspaper https://ift.tt/2MZjzLi
via IFTTT