30 જૂને ગુરુ ગ્રહના રાશિ પરિવર્તનથી ગુરુ-રાહુનો અશુભ યોગ બનશે, 6 રાશિના જાતકોએ સાવધાન રહેવું

મહિનાના છેલ્લાં દિવસોમાં ગુરુ ગ્રહ રાશિ બદલીને ધનમાં આવી જશે. કાશીના જ્યોતિષાચાર્ય પં. ગણેશ મિશ્રા પ્રમાણે આ ગ્રહ વક્રી ચાલી રહ્યો છે. જેથી બધી જ રાશિઓને આ ગ્રહનો શુભ પ્રભાવ મળશે નહીં. દેવ ગુરુ બૃહસ્પતિ વક્રી રહીને 30 જૂને મકર રાશિથી ધનમાં આવી જશે. ત્યાર બાદ આ ગ્રહ 13 સપ્ટેમ્બરે માર્ગી થઇ જશે. ત્યાર બાદ 20 નવેમ્બર સુધી આ જ રાશિમાં રહેશે. આ રાશિ પરિવર્તનથી ગુરુ અને રાહુનો દૃષ્ટિ સંબંધ બનશે. આ અશુભ યોગનો પ્રભાવ દેશ-દુનિયા સાથે જ બધી રાશિઓ ઉપર પડશે. બૃહસ્પતિના રાશિ બદલવાથી દેશમાં મોટા રાજનૈતિક અને ભૌગોલિક ફેરફાર આવી શકે છે. ગુરુના પ્રભાવથી 6 રાશિઓ માટે સમય ઠીક રહેશે નહીં. ત્યાં જ, અન્ય 6 રાશિઓને ઉન્નતિ અને ફાયદો મળવાના યોગ છે.

દેશ-દુનિયા ઉપર ગુરુ અને રાહુનો પ્રભાવઃ-
પં. મિશ્રાએ જણાવ્યું કે, આ અશુભ યોગના પ્રભાવથી દેશમાં ધર્મ સ્થાનો સાથે જોડાયેલાં નિર્ણયો લેવાઇ શકે છે. દેશના થોડાં ભાગમાં પુર આવી શકે છે. વાવાઝોડાના કારણે જનહાનિ થવાની આશંકા બની રહી છે. દેશ-દુનિયાના મહત્ત્વપૂર્ણ દેશમાં તણાવ વધી શકે છે. ભારતની સીમાઓને લઇને પણ વિવાદની સ્થિતિઓ બની શકે છે. ઉત્તરી રાજ્યોમાં ઊથલપાથલ થવાની સંભાવના છે.

બારેય રાશિ ઉપર ગુરુ ગ્રહની અસરઃ-

મેષઃ- ધન રાશિમાં ગુરુનું વક્રી થવું તમારા માટે શુભ રહેશે. તેના પ્રભાવથી જોબ અને બિઝનેસમાં સારો સમય શરૂ થઇ જશે. આ દરમિયાન તમે થોડાં નિર્ણય લઇ શકો છો. તમારી મહેનત વધશે અને તેનો ફાયદો પણ તમને મળશે. પ્રામાણિકતાથી કામ કરશો તો તમને ફાયદો થશે. કિસ્મતનો સાથ મળી શકે છે. સ્વાસ્થ્યના મામલે સમય સારો રહેશે. સાથે કામ કરતાં લોકો અને આસપાસના લોકો પાસેથી મદદ મળી શકે છે.

વૃષભઃ- ગુરુના કારણે તમને અચાનક ફાયદો મળી શકે છે. જોબ અને બિઝનેસ સાથે જોડાયેલી વાતો શીખવા મળશે. અધિકારીઓ અને મોટાં લોકો પાસેથી મદદ મળશે. રોજિંદા કામ સમયે પૂર્ણ થશે અને તેમાં ફાયદો પણ થશે. ગુરુની ચાલમાં બદલાવ થવાથી તમને અચાનક ફાયદો થશે. ગુરુના કારણે થોડી પરેશાનીઓ પણ આવી શકે છે. બચત પૂર્ણ થઇ શકે છે. આ દરમિયાન સમજી-વિચારીને બોલવું. તમારી વાતોનો ખોટો અર્થ કાઢવામાં આવી શકે છે. સ્વાસ્થ્યના મામલે સાવધાન રહેવું પડશે.

મિથુનઃ- બૃહસ્પતિના પ્રભાવથી તમારા માટે સમય સારો રહેશે. કામકાજમાં સ્થિરતા આવી શકે છે. નવા લોકો સાથે મુલાકાતના યોગ બની રહ્યા છે. રોજિંદા કામોથી ફાયદો થઇ શકે છે. કામ સમયે પૂર્ણ થશે. ગુરુના પ્રભાવથી સાહસ અને આત્મવિશ્વાસ વધશે. આગળ વધવાના અવસર મળી શકે છે. જોબ અને બિઝનેસમાં સારા અવસર મળી શકે છે. આવક વધવાના યોગ છે. ભાઇઓ અને મિત્રો પાસેથી મદદ મળશે.

કર્કઃ- બૃહસ્પતિની ચાલમાં ફેરફાર થવો તમારા માટે સામાન્ય રહેશે. આ દરમિયાન વિચારેલાં કામ સમયે પૂર્ણ થશે, પરંતુ પરેશાનીઓનો સામનો પણ કરવો પડશે. મહેનત વધારે કરવી પડી શકે છે અને તેનો ફાયદો ઓછો જ મળશે. આ દરમિયાન તમારે મહેતન વધારે કરવી પડશે. પારિવારિક મામલાઓમાં તણાવ વધવાની સંભાવના છે. સ્વાસ્થ્યને લઇને બેદરકારી ન કરો.

સિંહઃ- ગુરુના રાશિ પરિવર્તનથી તમને ફાયદો થઇ શકે છે. આ દરમિયાન નવી યોજનાઓ બની શકે છે. કામકાજને લઇને નવા અવસર મળી શકે છે. નવી યોજનાઓ બનશે. નવા લોકો સાથે મુલાકાત થઇ શકે છે. ગુરુના પ્રભાવથી સંતાન સંબંધિત ચિંતા દૂર થઇ જશે. તમને ફાયદો મળી શકે છે. કોઇ રિસર્ચ કે ગુપ્ત વાત જાણવાથી તમને ફાયદો થઇ શકે છે.

કન્યાઃ- ગુરુના રાશિ બદલવાથી સુખ-સુવિધાઓ વધી શકે છે. પ્રોપર્ટી સંબંધિત મામલે ફાયદો થશે. વાહન પણ ખરીદી શકો છો. અટવાયેલાં કાર્યો સમયે પૂર્ણ થવાના યોગ છે. લોકોનો સહયોગ મળશે. જોબ અને બિઝનેસમાં ઉન્નતિના યોગ બનશે. માતાના સ્વાસ્થ્યને લઇને ચિંતા દૂર થશે. અધિકારીઓ તમારા કામના વખાણ કરશે. જીવનસાથી પાસેથી સહયોગ મળશે.

તુલાઃ- ગુરુના કારણે નોકરી અને બિઝનેસમાં મહેતન વધશે. સાથે કામ કરતાં લોકો પાસેથી મદદ મળી શકશે નહીં જેના કારણે તણાવ અને પરેશાની રહેશે. થોડાં મામલે કિસ્મતનો સાથ મળી શકશે નહીં. નવી યોજનાઓ બનશે પરંતુ તેના ઉપર કામ કરવાથી ફાયદો મળશે નહીં. સમજી વિચારીને આગળ વધવું. અન્યની સલાહ માનીને પહેલાં પોતે વિચાર કરવો. આ સમયે ખર્ચ વધારે થશે.

વૃશ્ચિકઃ- ગુરુના કારણે તમારી આવક અને બચત પ્રભાવિત થઇ શકે છે. ખર્ચ વધી શકે છે. લેવડ-દેવડ અને રોકાણમાં તમારે સાવધાની રાખવી પડશે. પારિવારિક મામલાઓમાં તણાવ વધી શકે છે. પરિવાર ઉપર રૂપિયા ખર્ચ થઇ શકે છે. તમારી કોઇ ગુપ્ત વાત ઉજાગર થઇ શકે છે. લગ્નજીવનમાં વિવાદ થઇ શકે છે. સ્વાસ્થ્યના મામલે સાવધાન રહેવું.

ધનઃ- ગુરુના રાશિ બદલવાથી તમે પોતાને ઊર્જાવાન અનુભવ કરશો. પોઝિટિવ વિચાર સાથે જોબ અને બિઝનેસમાં આગળ વધશો. ધર્મ અને આધ્યાત્મમાં રસ વધશે. અનેક મામલે તમને કિસ્મતનો સાથ પણ મળી શકે છે. પ્રોપર્ટીના મામલે કિસ્મતનો સાથ મળશે. જેનાથી તમને ફાયદો થશે. સંતાન સુખ મળશે. પરિવારની મદદ મળશે. પરિવાર સાથે વધારે સમય વિતશે.

મકરઃ- ગુરુનું રાશિ પરિવર્તન તમારા માટે શુભ નથી. આ દિવસોમાં ભાગદોડ વધી શકે છે. દુશ્મન તમારી પરેશાની વધારી શકે છે. સ્વાસ્થ્યના મામલે સમય ઠીક રહેશે નહીં. દૂર સ્થાનના લોકો પાસેથી મદદ મળી શકશે નહીં. ખર્ચ વધી શકે છે. મહેનત વધારે કરવી પડશે, પરંતુ ફાયદો મળી શકશે નહીં. નોકરી અને બિઝનેસમાં વિપરિત પરિસ્થિતિઓ બની શકે છે.

કુંભઃ- ગુરુના પ્રભાવથી તમારી આવક પ્રભાવિત થઇ શકે છે. આ દિવસોમાં નવી યોજનાઓ તો બનશે પરંતુ તેના ઉપર કામ થઇ શકશે નહીં. ખર્ચ વધી શકે છે. રોજિંદા કાર્યોમાં મુશ્કેલીઓ આવી શકે છે. ભાઇઓ સાથે મનમુટાવના યોગ બનશે. માંગલિક કામ થઇ શકે છે, પરંતુ તેમાં વિવાદ પણ સંભવ છે. સંતાનના સ્વાસ્થ્યને લઇને ચિંતા રહેશે.

મીનઃ- ગુરુના રાશિ પરિવર્તન કરવાથી તમને મહેનતનો ફાયદો ઓછો મળી શકશે. માતાના સ્વાસ્થ્યને લઇને ચિંતા રહેશે. પ્રોપર્ટી સુખ તો મળશે પરંતુ તેનાથી સંતુષ્ટ રહેશો નહીં. લોકો પાસેથી મદદ તો મળશે પરંતુ કોઇને કોઇ વાતને લઇને તણાવ રહેશે. કામકાજ અધૂરા રહી શકે છે. જોબ, બિઝનેસ અને પારિવારિક મામલે તાલમેલ જળવાશે નહીં.

Download Dainik Bhaskar App to read Latest Hindi News Today

Jupiter's zodiac change on June 30: so that Jupiter-Rahu's ominous yoga will happen, people of 6 zodiac signs should be careful

from Divya Bhaskar https://ift.tt/2AVCOQd
via IFTTT