હવા ન ચાલે તો પણ કોરોના વાઇરસના કણ 13 ફીટ સુધી જઈ શકે છે, 30 ડિગ્રી સુધી તે વરાળ બનીને ઉડી શકે છે

દુનિયાભરના એક્સપર્ટ સોશિયલ ડિસ્ટન્સિંગ માટે 6 ફીટનું અંતર જાળવવાની સલાહ આપે છે, પરંતુ હાલના એક રિસર્ચમાં ચોંકાવનાર પરિણામ સામે આવ્યા છે. ભારતીય અને અમેરિકી સંશોધકોની ટીમનું કહેવું છે કે કોરોનાના કણ હવા ચાલે નહીં ત્યારે પણ 8થી 13 ફીટનું અંતર કાપી શકે છે. સંશોધકોના જણાવ્યા મુજબ, 50% ભેજ અને 29 ડિગ્રી તાપમાન પર કોરોનાના કણ વરાળ બનીને હવામાં ભળી શકે છે.

આ રિસર્ચ બેંગ્લુરુની ઇન્ડિયન ઇન્સ્ટિટ્યૂટ ઓફ સાયન્સ, કેનેડાની ઓન્ટેરિયા યુનિવર્સિટી અને કેલિફોર્નિયા લોસ એન્જલસ યુનિવર્સિટીના સંશોધકોએ મળીને કર્યું છે. તેમનો લક્ષ્ય એ જાણવાનો હતો કે વાઇરસમાં હાજર વાઇરસના કણોનો સંક્રમણ ફેલાવવામાં કેટલો રોલ છે. ટીમનું કહેવું છે કે, રિસર્ચના પરિણામ સ્કૂલ અને ઓફિસમાં સાવધાની રાખવામાં મદદ કરશે.

મેથેમેટિકલ મોડેલથી કણોની ગતિ સમજી
સંશોધકો અનુસાર, કોરોનાથી બચવું છે તો માત્ર સોશિયલ ડિસ્ટન્સિંગ જ પૂરતું નથી કારણકે સંક્રમણ ફેલાવનાર વાઇરસના કણ હવા વગર 13 ફીટ સુધી જઈ શકે છે. ફિઝિક્સ ઓફ ફ્લુઇડ જર્નલમાં પબ્લિશ થયલે શોધ મુજબ, ટીમે કોરોનાના કણો ફેલાવા, વરાળ બનવા અને તેની ગતિને સમજવા માટે મેથેમેટિકલ મોડેલ વિકસાવ્યું હતું.

એક વાર છીંક ખાઈએ ત્યારે 40 હજાર ડ્રોપ્લેટ્સ નીકળે છે
સંશોધકોએ સંક્રમિત અને સ્વસ્થ વ્યક્તિના મોઢામાંથી નીકળેલ ડ્રોપ્લેટ્સ પર રિસર્ચ કર્યું. આમાં કેટલી સમાનતા છે તેની માહિતી મેળવી. રિસર્ચમાં સામે આવ્યું કે એક વાર ઉધરસ ખાવાથી 3 હજાર ડ્રોપ્લેટ્સ નીકળ્યા અને તે અલગ-અલગ દિશામાં ફેલાઈ ગયા. એક વાર છીંક ખાવાથી 40 હજાર ડ્રોપ્લેટ્સ નીકળ્યા.

હવાની હાજરીમાં સ્થિતિ વધુ બગડી શકે છે
ટોરંટો યુનિવર્સિટીના શોધકર્તા ડોક્ટર શ્વેતપ્રોવો ચૌધરી મુજબ, આવી સ્થિતિમાં જ હવા ચાલે છે અથવા તો દબાણ બને છે તો સ્થિતિ વધુ બગડી શકે છે. ફેલાતા ડ્રોપ્લેટ્સનો આકાર 18થી 50 માઇક્રોન વચ્ચે હોય છે, જે માણસના વાળથી પણ ઘણો સૂક્ષ્મ હોય છે. માટે આ વાત પણ સાબિત થાય છે કે માસ્કથી સંક્રમણ રોકી શકાય છે.

ભેજમાં વાઇસરના કણ વધુ સેન્સિટિવ થઈ જાય છે
ઇન્ડિયન ઇન્સ્ટિટ્યૂટ ઓફ સાઇન્સ, બેંગ્લુરુના સંશોધક ડોક્ટર સપ્તઋષિ બસુ મુજબ, રિસર્ચનું આ મોડેલ 100% એવું સાબિત નથી કરી શકતું કે કોરોના આવી રીતે ફેલાય છે પણ રિસર્ચ દરમ્યાન એવું સામે આવ્યું કે ડ્રોપ્લેટ્સ વરાળ પણ બની શકે છે અને ભેજની સ્થિતિમાં વધુ સેન્સિટિવ થઈ જાય છે.

Download Dainik Bhaskar App to read Latest Hindi News Today

Coronavirus Infected Droplets Latest Research Updates By Indian Institute of Science and Ontario University of Canada

from Divya Bhaskar https://ift.tt/2VCmlaE
via IFTTT