લૉકડાઉનના બે મહિનામાં 20 કંપનીઓની માર્કેટકેપ 7.6 લાખ કરોડ વધી, તેમાં પણ અડધી ફક્ત રિલાયન્સની

લૉકડાઉનના બે મહિના (25 માર્ચથી 30 જૂન)માં મોટા ભાગની કંપનીઓની આવક પર અસર થઇ હતી. અનેક કંપનીઓની તો આવક જ બંધ થઈ ગઈ. પણ આ દોરમાં 20 કંપનીઓ એવી પણ હતી જેમની માર્કેટકેપ સાડા સાત લાખ કરોડ રૂપિયા સુધી વધી ગઇ હતી. આ દરમિયાન આ કંપનીઓમાં રોકાણ કરનારા શેરધારકોએ પણ સારો એવો નફો કમાયો. ભાસ્કરના રિસર્ચમાં આ માહિતી સામે આવી હતી.

રિસર્ચ અનુસાર સાડા સાત લાખ કરોડ રૂપિયાથી વધુની આ માર્કેટકેપમાં 50 ટકાથી પણ વધુની ભાગીદારી ફક્ત રિલાયન્સ ઈન્ડસ્ટ્રિઝની છે. જિયોની ભાગીદારી વેચીને પૈસા એકઠા કરનારી આ કંપનીએ એપ્રિલ મહિનાથી જે સિલસિલો શરૂ કર્યો, તેની અસર કંપનીના શેરો પર જોવા મળી. 25 માર્ચે રિલાયન્સના જે શેરનો ભાવ 1103 રૂપિયા હતો તે 30 જૂનના રોજ વધી 1704 રૂપિયા થયો હતો. તેનાથી રોકાણકારોને તો નફો થયો જ સાથે કંપનીની માર્કેટકેપ પણ 3,94,374 કરોડ રૂપિયા વધી ગઈ. રિલાયન્સ પછી સૌથી વધુ ફાયદામાં રહેલી કંપની સન ફાર્મા છે. આ બે મહિનામાં કંપનીની માર્કેટકેપમાં 30 હજાર કરોડ રૂપિયાથી વધુનો વધારો થયો. ટકાવારીમાં સૌથી વધુ ફાયદામાં રહેનારી કંપનીમાં એક કંપની અરબિંદો ફાર્મા છે. તેની પોતાની માર્કેટકેપ 25,664 કરોડ રૂપિયા વધી ગઈ, જે તેની કુલ માર્કેટકેપના 131.33 ટકા છે. રિસર્ચમાં સામે આવ્યું કે ટોપ-20 કંપનીઓમાં છ ફાર્માસ્યુટિકલ કંપનીઓ છે. દુનિયાભરમાંથી હાઈડ્રોક્સિક્લોરોક્વિન અને પેરાસિટામોલ જેવી દવાઓની માગને લીધે ફાર્માસ્યુટિકલ કંપનીઓને મોટો ફાયદો થયો હતો.

આ યાદીમાં જે સેક્ટરની કંપનીઓએ સૌથી વધુ ચોંકાવ્યા છે તે ઓટોમોબાઇલ ક્ષેત્રની મહિન્દ્રા એન્ડ મહિન્દ્રા છે. લૉકડાઉનથી પહેલાં મોટા ભાગની ઓટો કંપનીઓના શેર ખૂબ જ નીચા હતા પણ લૉકડાઉન દરમિયાન આ કંપનીઓના શેરોમાં તેજી આવી. આ જ કારણ છે કે 20 કંપનીઓની આ યાદીમાં ઓટો કંપનીઓ પણ સામેલ છે જે ફાર્માસ્યુટિકલ કંપનીઓ પછી સૌથી વધુ છે.

પાંચ વર્ષ જૂની બેન્કે ટોપ-5માં સ્થાન મેળવ્યું
યાદીમાં એક ચોંકાવનારું નામ બંધન બેન્કનું છે. જ્યારે સંપૂર્ણ બેન્કિંગ સેક્ટર દબાણ હેઠળ છે ત્યારે આ પાંચ વર્ષ જૂની બેન્કે યાદીમાં ટોપ-5માં સ્થાન મેળવ્યું હતું. આ યાદીમાં સામેલ આ એકમાત્ર બેન્ક છે. લૉકડાઉનના બે મહિનામાં આ બેન્કની માર્કેટકેપ બમણી થઈ ગઇ. અરબિંદો ફાર્મા પછી ટકાવારી મામલે નફો રળનારામાં બંધન બેન્ક બીજા ક્રમે રહી છે.

કોરોના સમયમાં વધુમાં વધુ કંપનીઓની આવકમાં ઘટાડો નોંધાયો છે. જોકે, અમુક કંપનીઓ એવી પણ છે જેમણે આ સમયમાં પણ સારો નફો કર્યો છે. ભાસ્કરે દેશની એવી 20 કંપનીઓની યાદી તૈયાર કરી છે જેમણે 25 માર્ચથી 30 જૂનના સમયમાં પોતાના માર્કેટકેપમાં 10 હજાર કરોડ અથવા તેનાથી વધુનો નફો કર્યો છે. આ યાદીમાં ફાર્માસ્યુટિકલ કંપનીઓ તો છે જ પરંતુ આ ઉપરાંત ઓટોમોબાઇ, બેંકિંગ, મેટલ, માઇનિંગ, ઇન્ટરનેટ, ટેલિકોમ અને ડાયવર્સ બિઝનેસ વાળી કંપનીઓ પણ સામેલ છે. આવો જાણીએ 20 કંપનીઓ કઇ છે અને તેમણે લોકડાઉનમાં કેટલો ફાયદો થયો છે.

રિલાયન્સ ઈન્ડસ્ટ્રીઝ

• સીએમડી: મુકેશ અંબાણી
• સેક્ટર : પેટ્રો, રિટેલ, ટેલિકોમ
• હેડ ક્વાર્ટર : મુંબઈ
• 3,94,374 કરોડ માર્કેટકેપમાં વધારો થયો
• ખાસ વાત : જિયો પ્લેટફોર્મ્સનો હિસ્સો વેચી 3 મહિનામાં 1.18 લાખ કરોડ એકત્ર કર્યા ક્યારેક ટેક્સટાઈલ અને પેટ્રોલિયમ જેવા કોર સેક્ટરમાં કારોબાર કરતી કંપની હવે તેજીથી ડિજિટલ ઈકોનોમીમાં પોતાનો પ્રવેશ કરી રહી છે. ફેસબુક સહિત દુનિયાની દિગ્ગજ કંપનીઓએ જિયોમાં રોકાણ કર્યુ છે. 12 લાખ કરોડથી વધુ માર્કેટ કેપ ધરાવતી દેશની પ્રથમ કંપની છે.

સન ફાર્મા

• એમડી: દિલીપ સંઘવી
• સેક્ટર : ફાર્માસ્યુટિકલ
• હેડ ક્વાર્ટર : મુંબઈ
• 30,206 કરોડ માર્કેટકેપમાં વધારો થયો
• ખાસ વાત: ફાર્માસ્યુટિકલ ફોર્મ્યુલેશનમાં કંપની વિશ્વની દિગ્ગજ કંપનીઓને ટક્કર આપે છે વિશ્વમાં કારોબાર કરતી સનફાર્મા ભારત અને અમેરિકામાં મુખ્ય રૂપથી દવાનો કારોબાર કરે છે. કંપની પોતાના સ્પેશિયાલિટી બિઝનેસમાં સૌથી વધુ રોકાણ કરી રહ્યા છે. નાણા વર્ષ 2019-20માં કંપનીનો ચોખ્ખો નફો અંદાજ કરતાં 35 ટકા વધુ નોંધાયો છે.

મહિન્દ્રા એન્ડ મહિન્દ્રા
ચેરમેન: નુસ્લી વાડિયા
ચેરમેન: આનંદ મહિન્દ્રા

• સેક્ટર : ઓટોમોબાઈલ
• હેડ ક્વાર્ટર : મુંબઈ
• 28,960 કરોડ માર્કેટકેપમાં વધારોં થયો
• ખાસ વાત : આ વર્ષે જૂનમાં કંપનીએ ગતવર્ષના જૂન મહિના કરતાં વધુ ટ્રેક્ટર વેચ્યા
• દુનિયાની સૌથી મોટી ટ્રેક્ટર મેન્યુફેક્ચરરમાંથી એક મહિન્દ્રા દેશમાં વિભિન્ન સેગમેન્ટના વાહન બનાવે છે. વાહન સેગમેન્ટમાં ગ્રામીણ વિસ્તારોમાંથી આવેલી માગથી કંપનીએ ઝડપી રિકવરી કરી. કૃષિમાં મજબૂત ગ્રોથ કરતાં ટ્રેક્ટર સેગમેન્ટમાં-મજબૂતીનો આશાવાદ છે.

બ્રિટાનિયા

• સેક્ટર: એફએમસીજી
• હેડ ક્વાર્ટર: કોલકાતા
• 27,722 કરોડનો માર્કેટકેપમાં વધારો
• ખાસ વાત : કંપની દેશની સૌથી મોટી બિસ્કિટ નિર્માતા પારલેના વાર્ષિક માર્કેટ શેર છીનવી રહી છે.દેશની સૌથી જૂની કંપનીઓમાંથી એક બ્રિટાનિયાનો બિઝનેસ કોરોના કાળમાં પણ વધ્યો છે. જૂન ત્રિમાસિકમાં કંપનીનો રેવન્યુ ગ્રોથ 22 ટકા રહ્યો છે. બ્રિટાનિયાના એમડી વરૂણ બેરી અનુસાર, ગત વર્ષની તુલનામાં ઘરની અંદર ચીજોનો વપરાશ વધ્યો છે.

બંધન બેન્ક

• એમડી, સીઈઓ: ચંદ્રશેખર ઘોષ
• સેક્ટર: બેન્કિંગ
• હેડક્વાર્ટર: કોલકાતા
• 26,505 કરોડનો વધારો માર્કેટકેપમાં વધારો
• ખાસ વાત : 3 મહિનામાં 106 ટકાનુ રિટર્ન માર્કેટ કેપ 106 ટકા વધી
• બંધન બેન્ક દેશની નવી બેન્કોમાંથી એક છે. 34 રાજ્યોમાં કારોબાર કરી રહી છે. બેન્કનો મોરેટોરિયમ ઘટી 30 ટકા થયો છે. બેન્કિંગ પર પ્રેશર હોવા છતાં બંધન બેન્કના ત્રિમાસિક પરિણામો સારા રહ્યા છે. કુલ ડિપોઝિટમાં રિટેલ ડિપોઝિટનો હિસ્સો 78% જળવાઈ રહ્યો છે.

અરબિંદો ફાર્મા

• ચેરમેન: પીવીઆર રેડ્ડી
• સેક્ટર: ફાર્માસ્યુટિકલ
• હેડ ક્વાર્ટર: હૈદરાબાદ
• 25,664 કરોડ માર્કેટ કેપ વધી
• ખાસ વાત : શેર્સે બે માસમાં 131 ટકાનુ રિટર્ન નોંધાયુ છે. એપીઆઈની સૌથી મોટી ઉત્પાદક. કંપની જેનરિક દવા અને એક્ટિવ ફાર્માસ્યુટિકલ ઈન્ગ્રીડિએટન્સ બનાવે છે. છેલ્લા ચાર ત્રિમાસિકમાં તેનો નફો વધ્યો છે. કંપની પર દેવુ ઘટ્યુ છે. વિદેશી રોકાણકાર શેર હોલ્ડિંગ વધારી રહ્યા છે. હાલમાં તેની બ્લડ પ્રેશરની દવા વેરાપામિલ હાઈડ્રોક્લોરાઈડને અમેરિકી રેગ્યુલેટરની મંજૂરી મળી છે.

બજાજ ઓટો

• ચેરમેન: રાહુલ બજાજ
• સેક્ટર: ઓટોમોબાઈલ
• હેડ ક્વાર્ટર: પુણે
• 25,503 કરોડનો માર્કેટકેપમાં વધારો
• ખાસ વાત : દેશની બીજા નંબરની ટોચની ટુ વ્હિલર નિર્માતા કંપનીના કર્તાધર્તા સ્પષ્ટ વકતા તરીકે જાણીતા છે. 1940ના દાયકામાં સ્થાપિત દેશની ટોચની ટુ-થ્રી વ્હિલર વાહન બનાવતી કંપની છે. યુવાનોની પસંદ અનુસાર, બાઈક રજૂ કરવા માટે જાણીતી છે. 19-20માં તેની આવકો રૂ. 31,443.22 કરોડ અને નફો રૂ. 4890.40 કરોડ રહી છે.

મારુતિ સુઝુકી

• ચેરમેન: આરસી ભાર્ગવ
• સેક્ટર: ઓટોમોબાઈલ
• હેડ ક્વાર્ટર: નવી દિલ્હી
• 24,314 કરોડનો વધારો માર્કેટ કેપમાં
• ખાસ વાત : મારૂતિ ભારતીયોની નાડી ગણાય છે. દેશમાં વેચાતી બેમાંથી એક કાર મારૂતિની હોય છે. દેશની સૌથી મોટી ઓટોમોબાઈલ કંપની. નાણા વર્ષ 2019-20માં પેસેન્જર વ્હિકલ (કાર, એસયુવી, અને વાન) સેગમેન્ટમાં 51.03 ટકાના હિસ્સા સાથે ટોચના સ્થાને છે. ગત નાણા વર્ષમાં તેણે 14.1 લાખથી વધુ ગાડીઓ વેચી.

સિપ્લા

• ચેરમેન: વાઈકે હામિદ
• સેક્ટર: ફાર્માસ્યુટિકલ
• હેડ ક્વાર્ટર: મુંબઈ
• 21,233 કરોડ જોડાયા માર્કેટ કેપમાં.
• ખાસ વાત : સિપ્લાએ બનાવેલી દવાઓને લીધે આફ્રિકા એડ્સ જેવી બિમારીથી જીત મેળવી. દેશની ટોચની ફાર્મા અને બાયોટેક્નોલોજી કંપની છે. આ શ્વસન, ર્હદય રોગ, આર્થારાઈટસ, ડાયાબિટિસ, વેઈટ કંટ્રોલ અને ડિપ્રેશન વગેરેની સારવાર માટે દવાઓ વિકસિત કરી છે. હાલમાં તેમાં એન્ટી વાયરલ ડ્રગ રેમડેસિવિરનુ જેનરિક વર્ઝન સિપ્રેમી લોન્ચ કર્યુ છે.

અદાણી પોર્ટ્સ

• ચેરમેન: ગૌતમ અદાણી
• સેક્ટર: ઈન્ફ્રાસ્ટ્રક્ચર
• હેડ ક્વાર્ટર: અમદાવાદ
• 17890 કરોડનો વધારો માર્કેટ કેપમાં.
• ખાસ વાત : ગૌતમ અદાણીની આ કંપની દેશના છ રાજ્યોમાં 10 પોર્ટ ઓપરેટ કરી રહી છે. દેશમાં ખાનગી સેક્ટરની સૌથી મોટી મલ્ટી પોર્ટ ઓપરેટર છે. 2019-20માં રેવન્યુ રૂ. 13,734.42 કરોડ અને ચોખ્ખો નફો રૂ. 3788.92 કરોડ રહ્યો છે. 15 અબજ ડોલરનુ અદાણી ગ્રુપ એનર્જી, કૃષિ, રિયલ એસ્ટેટ, રક્ષા સહિત અનેક સેગમેન્ટમાં કાર્યરત છે.

હીરો મોટોકોર્પ લિ.

• સેક્ટર : ઓટોમોબાઇલ
• મુખ્ય ઓફિસ: નવી દિલ્હી
• 17541 કરોડ ઉમેરો કર્યો માર્કેટકેપમાંં
• ખાસ વાત : એશિયા, આફ્રિકા, યૂરોપ અને દક્ષિણ અમેરિકાના 37 દેશોમાં વેચાણ છે કંપનીના બાઇક અને સ્કૂટર.

લ્યૂપિન લિમિટેડ

• સેક્ટર : ફાર્માસ્યુટિકલ
• મુખ્ય ઓફિસ : મુંબઇ
• 15,693 કરોડનો ઉમેરો કર્યો માર્કેટકેપમાં
• ખાસવાત : કંપનીએ ભારત ઉપરાંત અમેરિકા, જાપાન, બ્રાઝિક અને મેક્સિકોમાં પણ દવા મેન્યુ. પ્લાન્ટ છે.

વેદાંતા લિમિટેડ

• સેક્ટર : માઇનિંગ
• મુખ્ય ઓફિસ : મુંબઇ
• 15,631 કરોડનો ઉમેરો કર્યો માર્કેટકેપમાં
• ખાસવાત : કંપની જલ્દીથી પોતાના શેરને ભારતીય શેર બજારમાં ડિલિસ્ટ કરાવશે. નવી યોજનાઓ પર કામ કરી રહી છે.

પિરામલ એન્ટરપ્રાઇઝ

• સેક્ટર: ફાર્મા
• મુખ્ય ઓફિસ : મુંબઇ
• 15,357 કરોડનો ઉમેરો કર્યો માર્કેટકેપમાં
• ખાસ વાત : કંપનીના ચેરમેન અજય પિરામલ રિલાયન્સ ઇન્ડસ્ટ્રીઝના ચેરમેન મુકેશ અંબાણીના સબંધી પણ છે.

બાયોકોન લિમિટેડ

• સેક્ટર: ફાર્માસ્યુટિકલ
• મુખ્ય ઓફિસ : બેંગ્લુરૂ
• 14,172 કરોડનો ઉમેરો કર્યો માર્કેટકેપમાં
• ખાસ વાત : કંપનીની એક દવાને કોવિડ-19માં ઇર્મજન્સી ઉપયોગની મંજૂરી મળી છે. તેજીથી વિદેશોમાં પણ વિસ્તરણ.

ભારતી ઇન્ફ્રાટેલ
સેક્ટર : ટેલિકોમ
મુખ્ય ઓફિસ : ગુડગાંવ

• 13,650 કરોડનો ઉમેરો કર્યો માર્કેટકેપમાં
• ખાસવાત : વિશ્વની સૌથી મોટી મોબાઇલ ટાવર કંપનીઓમાં એક છે. તેજીથી વધી રહ્યો છે વેપાર.

હિંદાલ્કો ઇન્ડસ્ટ્રીઝ

• સેક્ટર : મેટલ
• મુખ્ય ઓફિસ : મુંબઇ
• 11,557 કરોડનો ઉમેરો કર્યો માર્કેટકેપમાં
• ખાસવાત : આદિત્ય બિરલા સમૂહની આ કંપની વિશ્વની મોટી એલ્યૂનિમિયમ રોલિંગ કરતી કંપની છે.

ઇન્ફોએજ ઇન્ડિયા લિમિટેડ

• સેક્ટર : ઇન્ટરનેટ
• મુખ્ય ઓફિસ : નોઇડા
• 11,328 કરોડનો ઉમેરો કર્યો માર્કેટકેપમાં
• ખાસવાત : આ કંપની નોકરીડોટકોમ,જીવનસાથી ડોટકોમ, 99 એકરડોટકોમ અન્યનું સંચાલન કરે છે

મધરસન સૂમી સિસ્ટમ

• સેક્ટર : ઇલેક્ટ્રિકલ
• મુખ્ય ઓફિસ : નોઇડા
• 10,720 કરોડનો ઉમેરો કર્યો માર્કેટકેપમાં
• ખાસ વાત : આ કંપની એશિયા, યૂરોપ, ઉત્તર-દક્ષિણ અમેરિકા, ઓસ્ટ્રેલિયામાં ઉપકરણોની સપ્લાઇ કરે છે.

આયશર મોટર્સ

• સેક્ટર : ઓટોમોબાઇલ
• મુખ્ય ઓફિસ : નવી દિલ્હી
• 10,436 કરોડનો ઉમેરો કર્યો માર્કેટકેપમાં
• ખાસવાત : રોયલ એન્ફિલ્ડ બાઇક્સને ભારત ઉપરાંત અન્ય કેટલાય દેશોમાં પોપ્યુલર બનાવવામાં સફળતા મેળવી છે.

Download Dainik Bhaskar App to read Latest Hindi News Today

રિલાયન્સ ઈન્ડસ્ટ્રીઝના CMD મુકેશ અંબાણી અને સન ફાર્માના MD દિલીપ સંઘવી.

from Divya Bhaskar https://ift.tt/2ZLqvzr
via IFTTT