વૈશ્વિક સોના-ચાંદીમાં તોફાની તેજી, ચાંદીમાં તેજીની સર્કિટ, ચાંદી બે દિવસમાં રૂ. 6300 વધી રૂ. 59000 થઇ, સોનું રેકોર્ડ રૂ. 51900

સોના-ચાંદીમાં તેજીનો સટ્ટો જામ્યો છે. હંજફંડોની આક્રમક ખરીદીના કારણે ચાંદી બે દિવસમાં આંતરરાષ્ટ્રીય બજારમાં સરેરાશ 10 ટકાથી વધુ ઉછળી 22 ડોલરની સપાટી ઉપર ક્વોટ પહોંચી છે જેના પગલે અમદાવાદમાં બે વધુ 3700 ઉછળી 59000ની સપાટી ઉપર ક્વોટ થઇ રહી છે. બે દિવસમાં ઝડપી 6300 વધી છે. જ્યારે સોનું દોઢ માસ બાદ એકદિવસીય ઝડપી રૂ.900 વધી રેકોર્ડ બ્રેક 52000ની નજીક 51900 બોલાઇ ગયું છે. આંતરરાષ્ટ્રીય બજારમાં તેજી જળવાઇ રહેતા સ્થાનિકમાં દૈનિક ધોરણે સોનામાં નવી ઉંચાઇ જોવા રહી છે. હાજર બજારની સાથે વાયદામાં તોફાની તેજી જોવા મળી છે. ચાંદી વાયદામાં તેજીની સર્કિટ લાગી એમસીએક્સ સપ્ટેમ્બર વાયદો 60000ની સપાટી કુદાવી ચૂક્યો છે. જ્યારે ડિસેમ્બર વાયદો રૂ.62000ની નજીક ક્વોટ થતો હતો.

સોનું રેકોર્ડ સપાટી પર પહોંચતા રોકાણકારો ચાંદીને પ્રાધાન્ય આપી રહ્યાં છે. આંતરરાષ્ટ્રીય બજારમાં HNI ઇન્વેસ્ટર, હેજફંડની આક્રમક ખરીદીના કારણે એક તરફી તેજી જોવા મળી છે. કોરોના મહામારી અને અમેરિકામાં આવી રહેલા ઇલેક્શનના કારણે અમેરિકા વધારાનું સ્ટીમ્યુલસ પેકેજ જાહેર કરશે તેવા અહેવાલે હેજફંડોનું આકર્ષણ વધ્યું છે. અગ્રણી એનાલિસ્ટોના મતે ચાંદીમાં નાટ્યાત્મક તેજી છે ગમે ત્યારે વધ્યા ભાવથી સરેરાશ 2000-3000 સુધી ઘટી શકે છે. જોકે, લોંગટર્મ માટે ચાંદીમાં ફંડામેન્ટલ તેજી તરફી બની રહ્યાં છે. દિવાળી સુધીમાં ચાંદી હવે 62000-65000 પણ થઇ શકે છે.

વર્ષાન્ત સુધીમાં ચાંદી 70000, સોનું 55000 કુદાવશે
બીડી જ્વેલર્સના અશોક ચોક્સીએ જણાવ્યું કે, સોના-ચાંદી માટે 2020નું વર્ષ તેજીમય સાબીત થશે. વર્ષાન્ત સુધીમાં ચાંદી સ્થાનિક બજારમાં 70000 જ્યારે સોનું 55000ની સપાટી કુદાવે તેવા સંકેતો છે. જ્યારે આંતરરાષ્ટ્રીય બજારમાં સોનું 2000 ડોલર જ્યારે ચાંદી 25-26 ડોલર સુધી પહોંચી શકે છે. ચાંદીમાં તોફાની તેજીના કારણે હાજર બજારમાં નફારૂપી વેચવાલી જોવા મળી છે. ચાંદી કેશ અને બીલમાં ભાવ તફાવત વધી રૂ.2500 થયો છે.

Download Dainik Bhaskar App to read Latest Hindi News Today

silver rise Rs. 6300 in two days 59000, gold record Rs. 51900

from Divya Bhaskar https://ift.tt/3hoEEbN
via IFTTT