કોરોનાનું સંકટ હેલ્થ ઈન્શ્યોરન્સને ફળ્યું, કંપનીઓની પ્રીમિયમની આવકમાં રૂ. 993 કરોડનો વધારો

કોરોનાને કારણે લોકોની આર્થિક સ્થિતિ નબળી પડી છે અને લગભગ દરેક ક્ષેત્રમાં મંદી ફરી વળી છે, પરંતુ હેલ્થ ઈન્સ્યોરન્સ સંદર્ભે લોકોની જાગૃતિ ઘણી વધી છે. જનરલ ઇન્સ્યોરન્સ કાઉન્સીલે (GIC) થોડા સમય પહેલા ગ્રોસ ડિરેક્ટ પ્રીમિયમ ઇન્કમના આંકડા જાહેર કર્યા છે, તે મુજબ દેશમાં હેલ્થ ઇન્શ્યોરન્સમાં એપ્રિલથી જુન 2020 દરમિયાન પ્રીમિયમની આવક 7.98% વધીને રૂ. 13,436.59 કરોડ પર પહોચી છે. ગત વર્ષે સમાન ગાળામાં આ આવક રૂ. 12,443.44 કરોડ થઇ હતી. ગત વર્ષની સરખામણીએ પ્રીમિયમની આવકમાં રૂ. 993.15 કરોડનો વધારો થયો છે.

જોકે, ગત વર્ષની તુલનાએ ટકાવારીમાં ગ્રોથ ઘણો નીચો છે પરંતુ ઇન્શ્યોરન્સ સેક્ટરના જાણકારોના મતે, કોરોના અને લોકડાઉન હોવા છતાં આટલો ગ્રોથ થયો તે સારી બાબત છે. ભારતમાં હેલ્થ ઈન્શ્યોરન્સની કુલ 32 કંપનીઓ છે. કોટક, HDFC ઈર્ગો, ICICI લોમ્બાર્ડ, સ્ટાર હેલ્થ, મેક્સ બુપા, ટાટા AIG, SBI જનરલ, રિલાયન્સ જનરલ, ઓરિએન્ટલ ઈન્સ્યોરન્સ, રેલીગેર, આદિત્ય બિરલા, યુનાઇટેડ ઇન્ડિયા, ન્યુ ઇન્ડિયા ઇન્સ્યોરન્સ, ચોલામંડલમ MS જનરલ ઈન્સ્યોરન્સ અને બજાજ આલિયાન્ઝ મુખ્ય છે.

કોરોના બાદ હેલ્થ ઈન્સ્યોરન્સ અંગે જાગૃતિ વધી
ચોલામંડલમ MS જનરલ ઈન્સ્યોરન્સ કંપનીના મેનેજીંગ ડિરેક્ટર વી. સૂર્યનારાયણને જણાવ્યું હતું કે, કોરોનાના સમયમાં હેલ્થ ઈન્સ્યોરન્સની જરૂરિયાતને લઇને લોકોમાં ઘણી જ જાગૃતિ આવી છે અને હેલ્થ ઇન્શ્યોરન્સની માગ પણ વધી છે જેની અસર પ્રીમિયમની આવકમાં જોઈ શકાય છે. સાથે જ ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી (ઈરડા) દ્વારા સ્ટાન્ડર્ડઇઝડ હેલ્થ પ્રોડક્ટ આરોગ્ય સંજીવની લોન્ચ કરી હતી, તેને લોકો તરફથી સારો પ્રતિસાદ મળ્યો છે.

IRDAએ વિમા કંપનીઓ માટે કોરોના પોલિસી ફરજીયાત કરી
ઇન્શ્યોરન્સ રેગ્યુલેટર IRDAએ જનરલ અને હેલ્થ ઇન્સ્યોરન્સ કંપનીઓને કોવિડ-19 માટે વિશેષ પ્રોડક્ટ બનાવી અને લોન્ચ કરવાનું ફરજીયાત કર્યું છે. વી. સૂર્યનારાયણને જણાવ્યું હતું કે, આ પ્રોડક્ટના લોંચિંગથી વોલ્યુમ વૃદ્ધિ ટકાવી રાખવામાં પણ મદદ મદદ મળી રહેશે. ટુંકા ગાળાની અને પોસાય તેવા પ્રીમિયમ સાથેની આ પ્રોડક્ટ હોઈ ચાલુ નાણાકીય વર્ષના પહેલા ત્રિમાસિક ગાળામાં રિસ્પોન્સ મળ્યો છે તેવો જ પ્રતિસાદ આવતા સમયમાં લોકો તરફથી મળશે તેવી અપેક્ષા છે.

વ્યક્તિગત હેલ્થ ઈન્સ્યોરન્સ લેવાનું વધ્યું
GICના આંકડા મુજબ, રીટેલ સેગમેન્ટમાં એટલે કે વ્યક્તિગત હેલ્થ ઇન્શ્યોરન્સની ગ્રોસ ડિરેક્ટ પ્રીમિયમ ઇન્કમ એપ્રિલ-જુન 2019ના રૂ. 4025.29 કરોડથી 23.97% વધીને એપ્રિલ-જુન 2020માં રૂ. 4990.31 કરોડ થઇ છે. આ સેગમેન્ટનો હેલ્થ ઇન્શ્યોરન્સમાં બજાર હિસ્સો ગત વર્ષે 32.35% હતો જે આ વર્ષે વધીને 37.14% થયો છે. ઇન્સ્યોરન્સ સેક્ટરના જાણકારોના મતે પાછલા અમુક સમયથી વ્યક્તિગત હેલ્થ ઇન્સ્યોરન્સ લેવાનું પ્રમાણ વધ્યું છે. ખાસ કરીને કોરોના મહામારી બાદથી લોકોની ઇન્ક્વાયરી વધી છે અને પોલીસીમાં શું કવર થાય છે અને શું કવર નથી થતું તે અંગે સ્પષ્ટતા માંગવામાં આવે છે જે પહેલા બહુ જ ઓછુ હતું.

ગો ડીજીટ કંપનીની પ્રીમિયમની આવક 1013% વધી
ઓનલાઈન જનરલ ઇન્શ્યોરન્સ કંપની ગો ડીજીટના પ્રીમિયમની આવકમાં 1013%નો વધારો નોંધાયો છે. કંપનીની ડિરેક્ટ પ્રીમિયમ ઇન્કમ રૂ. 6.90 કરોડથી વધીને રૂ. 76.79 કરોડ થઇ છે. તેવી જ રીતે રાહેજા QBE કંપનીની પ્રીમિયમની આવક 460% વધી છે. આ ઉપરાંત કોટક મહિન્દ્ર, SBI જનરલ, યુનાઇટેડ ઇન્ડિયા, યુનિવર્સલ સોમ્પો, આદિત્ય બિરલા અને સ્ટાર હેલ્થના પ્રીમિયમ ગ્રોથમાં 20-90%નો વધારો થયો છે.

અનીલ અંબાણીની કંપનીની પ્રીમિયમની આવક ઘટી
અનિલ ધીરુભાઈ અંબાણી ગ્રુપની જનરલ ઇન્શ્યોરન્સ કંપની રિલાયન્સ જનરલ ઇન્શ્યોરન્સ લિમિટેડની પ્રીમિયમની આવકમાં 21.73%નો ઘટાડો થયો છે. કંપનીએ આ વર્ષે એપ્રિલ-જુન દરમિયાન રૂ. 418.09 કરોડનું ગ્રોસ ડિરેક્ટ પ્રીમિયમ મેળવ્યું હતું જે ગત વર્ષે સમાન ગાળામાં રૂ. 534.19 કરોડ હતું. તેવી જ રીતે બજાજ આલિયાન્ઝની પ્રીમિયમ ઇન્કમ રૂ. 670.13 કરોડથી 33% ઘટીને રૂ. 449.10 થઇ હતી. આ સિવાય, એકો જનરલ, નવી જનરલ, ઈફ્કો-ટોકિયો, રોયલ સુન્દરમ, શ્રીરામ જનરલ, રેલીગેર જેવી જનરલ અને હેલ્થ ઇન્શ્યોરન્સ કંપનીઓની પ્રીમિયમની આવક પણ ઘટી હતી.

સરકારી હેલ્થ સ્કિમમાં લોકોનો વિશ્વાસ નબળો પડ્યો
જનરલ ઇન્સ્યોરન્સ કાઉન્સીલના આંકડા જોઈએ તો, સરકારી હેલ્થ સ્કિમમાં કંપનીઓને પ્રીમિયમની આવકમાં ઘટાડો થયો છે. એપ્રિલથી જુન 2020 વચ્ચે રૂ. 630.74 કરોડનું ગ્રોસ ડિરેક્ટ પ્રીમિયમ આવ્યું હતું જે ગત વર્ષે સમાન ગાળામાં રૂ. 960.98 કરોડ હતું. આ સૂચવે છે કે સરકારી સ્વાસ્થ્ય વિમા યોજનાઓમાં પ્રીમિયમની આવક -34.36% ઘટી છે. આ સાથે જ હેલ્થ ઇન્શ્યોરન્સ સેગમેન્ટની કુલ પ્રીમિયમની આવકમાં તેનો બજાર હિસ્સો 7.72%થી ઘટીને 4.69% થયો છે.

Download Dainik Bhaskar App to read Latest Hindi News Today

Corona's crisis has benefited health insurance, with companies' premium income rising to Rs. 993 crore increase

from Divya Bhaskar https://ift.tt/3fIEyew
via IFTTT