અમદાવાદ શહેરમાં ધીમીધારે વરસાદનું આગમન, સવારથી અનેક વિસ્તારોમાં મેઘમહેર

અમદાવાદ, તા. 06 જુલાઈ 2020 સોમવાર

અમદાવાદ શહેરમાં આજે સોમવારે વહેલી સવારથી વાતાવરણમાં પલટો જોવા મળ્યો છે. જેને લઇને વહેલી સવારથી શહેરના પૂર્વ અને પશ્ચિમ વિસ્તારમાં વરસાદી માહોલ જોવા મળ્યો છે. જેમાં પશ્ચિમના સેટેલાઇટ, બોડકદેવ, શિવરંજની, શ્યામલ, એસ. જી. હાઇવે, સોલા, મેમનગર, ઘાટલોડિયા, બોપલ, આંબલી, ચાંદખેડા, ચાંદલોડિયા, જીવરાજ પાર્ક, સાયન્સ સીટી, વસ્ત્રાપુરમાં ધીમીધારે વરસાદ વરસ્યો છે.

જ્યારે શહેરના પૂર્વમાં પણ વરસાદી માહોલ જોવા મળ્યો છે. જેમાં મણિનગર, ઇસનપુર, નારોલ, બાપુનગર, નરોડ, નિકોલ, દિલ્હી દરવાજા, એરપોર્ટ વિસ્તારમાં વરસાદ વરસ્યો છે. ખાડિયા રાયપુર માં પણ સવાર થી વરસાદી માહોલ છે અમદાવાદમાં ધીમીધારે વરસાદ શરૂ થયો છે.

બોડકદેવ, વસ્ત્રાપુર અને થલતેજ વિસ્તારમાં વરસાદ વરસાદ પડ્યો છે. વરસાદના આગમનથી લોકોમાં ખુશીની લાગણી જોવા મળી રહી છે. જ્યારે હવામાન વિભાગે ભારે વરસાદની આગાહી કરી છે. આગામી બે દિવસ ભારે વરસાદની આગાહી કરવામાં આવી છે.

from Top Stories News - Gujarat Samachar : World's Leading Gujarati Newspaper https://ift.tt/38sZaEK
via IFTTT