માત્ર વાલ્વ વાળો N - 95 માસ્ક સેફ નથી, બાકી 0.3 માઇક્રોન્સ સુધીના ડ્રોપ્લેટ્સને 95% સુધી અટકાવે છે, જાણો આની વિશિષ્ટતાઓ વિશે

કોરોના વાઇરસ સામેની લડાઈમાં માસ્ક સૌથી મોટું હથિયાર બનીને સામે આવ્યું છે. CDC, WHO જેવી ઘણી સ્વાસ્થ્ય સંસ્થાઓએ લોકોને માસ્ક પહેરવાની અપીલ કરી છે. ભારતમાં પણ સરકારે માસ્ક પહેરવો ફરજીયાત બનાવ્યું છે. પરંતુ, કેન્દ્ર સરકારની નવી એડવાઈઝરીથી દરેકને નવાઈ લાગી છે. સરકારે કહ્યું કે N - 95 માસ્ક સુરક્ષિત નથી. આ વાઇરસને અટકાવવામાં સફળ નથી.

પરંતુ, આ એ જ N - 95 માસ્ક છે જે કોરોના શરૂ થતા જ દુનિયામાં સૌથી પહેલા અને સૌથી વધુ ચર્ચામાં રહ્યો છે.આજેપણ દુનિયાના બધા દેશોમાં એક્સપર્ટ્સ આ માસ્કને સૌથી વધુ સેફ ગણાવે છે. વૈજ્ઞાનિકો મુજબ, N - 95 માસ્ક 0.3 માઇક્રોન્સ સાઈઝના ડ્રોપ્લેટ્સને 95% સુધી અટકાવી શકે છે. જ્યારે કાપડનો માસ્ક 1 માઇક્રોન્સ સાઈઝના ડ્રોપ્લેટ્સને 69% સુધી અટકાવી શકે છે. કોરોનાના ડ્રોપ્લેટ્સની સાઈઝ 0.6થી 5 માઇક્રોન્સ સુધીની હોય છે.

N - 95 માસ્ક બે પ્રકારના હોય છે
વાલ્વ વાળો માસ્ક
વાલ્વ વગરનો માસ્ક

કેન્દ્ર સરકારે વાલ્વ વાળા N - 95 માસ્ક પહેરવાની ના પાડી છે. બધા N - 95 માસ્ક નહીં. હા, એટલું જરૂર કહ્યું છે કે મેડિકલ સ્ટાફ કરતાં સામાન્ય લોકો વધારે N - 95 માસ્કનો સાચો ઉપયોગ કરી રહ્યા છે. આવું ન કરવું જોઈએ.

N - 95: આ માસ્ક સિંગલ યુઝ છે અને પોલિએસ્ટર અને બીજા સિન્થેટિક ફાઇબર્સનો બનેલ હોય છે

• આ માસ્ક નાના પાર્ટિકલ્સ (0.3 માઇક્રોન્સ)ને અંદાજે 95% સુધી અટકાવી શકે છે. સામાન્ય રીતે આટલા નાના કણને અટકાવવા ઘણા મુશ્કેલ છે. માણસના એવરેજ વાળની સાઈઝ 70થી 100 માઇક્રોન્સ એટલી હોય છે.
• આ માસ્ક સિંગલ યુઝ છે અને પોલિએસ્ટર અને બીજા સિન્થેટિક ફાઇબર્સનો બનેલ હોય છે. તેમાં ફાઈબરનું એક લેયર હોય છે જે ફિલ્ટરનું કામ કરે છે. આ કણોને અટકાવે છે.
• આ માસ્ક પહેરતી વખતે ખાસ સુનિશ્ચિત કરવું કે તમારી સ્કિન અને માસ્ક વચ્ચે કોઈ ગેપ ન હોય. તેમાં એક નોઝ પીસ હોય છે જે ફેસના આકાર મુજબ સેટ થઇ જાય છે.
• ઘણા હેલ્થ કેર વર્કર્સ વાર્ષિક ફિટિંગ ટેસ્ટ કરાવે છે, જેમાં એર લીકેજની તપાસ થાય છે અને માસ્કની સાઈઝ ફિટ થઇ જાય છે. જો તમારા ફેસ પર દાઢી છે તો તે યોગ્ય રીતે ફિટ નહીં થાય. આ માસ્ક બાળકોના ફેસ પર પણ ફિટ નથી થતા.
• અમુક N - 95 માસ્કમાં સામે એક્સલેશન વાલ્વ હોય છે જેનાથી શ્વાસ લેવામાં સરળતા રહે છે. આ માસ્ક સામાન્ય રીતે કન્સ્ટ્રક્શનમાં ઉપયોગ થાય છે.
• વાલ્વ વાળા માસ્ક હોસ્પિટલમાં ઓપરેશન રૂમ જેવી જગ્યાઓમાં ઉપયોગ કરવા ન જોઈએ. આવામાં આ માસ્ક શ્વાસ લેવાથી બીજાની સુરક્ષા રાખી શકે નહીં.

બજારમાં અન્ય કયા માસ્ક્સ અવેલેબલ છે
1- મેડિકલ માસ્ક

• આ પ્રકારના માસ્ક ઘણા પ્રકારના હોય છે અને N - 95થી ઓછા અસરકારક હોય છે. આમાંથી અમુક માસ્ક લેબ કન્ડિશનની અંદર 60થી 80% નાના કણોને અટકાવી શકે છે.
• સામાન્ય રીતે મેડિકલ માસ્ક શ્વાસ લેવા લાયક અને પેપર જેવા સિન્થેટિક ફાઈબરથી બન્યા હોય છે. આ રેક્ટેન્ગલ શેપમાં હોય છે અને પ્લેટ્સ બનેલી હોય છે. આ માસ્ક ડિસ્પોઝેબલ હોય છે અને સિંગલ યુઝ માટે છે.
• આ માસ્ક મોટા ડ્રોપ્લેટ્સથી બચાવે છે પરંતુ ફેસ પર ઢીલું રહેવાને કારણે આ N - 95ની સરખામણીએ ઓછો અસરકારક છે.

2- હોમ મેડ માસ્ક

• મેડિકલ માસ્કની ઓછી સપ્લાયને કારણે ઘણા લોકો ઘરે બનાવેલ માસ્ક યુઝ કરી રહ્યા છે. જો યોગ્ય ફેબ્રિક અને યોગ્ય રીતે તેને બનાવવામાં આવ્યો હોય તો આ મેડિકલ માસ્ક જેટલી જ સુરક્ષા આપે છે.
• એક સારો હોમ મેડ માસ્ક એવા મટિરિયલમાંથી બનાવવામાં આવે છે જે વાઇરસના પાર્ટિકલને રોકવામાં સક્ષમ હોય છે. આ કોટન ફેબ્રિકથી બનેલા હોય છે. આવા માસ્ક હેવી કોટન ટી-શર્ટમાંથી પણ બનાવી શકાય છે. એવું મટિરિયલ જેમાં દોરાનું પ્રમાણ વધુ હોય. આ માસ્ક સારી સુરક્ષા પ્રદાન કરે છે.
• ઇન્ટરનેટ પર કોટન માસ્ક બનાવવાની ઘણી રીત અવેલેબલ છે, પરંતુ તમે એવો માસ્ક શોધો જેમાં ઓછામાં ઓછા બે લેયર હોય અને જે તમારા નાક અને દાઢીને કવર કરે.

3- હોમ મેડ ફિલ્ટર માસ્ક

• આ એક અન્ય પ્રકારના કોટન માસ્ક છે જે 100% કોટન ટી-શર્ટના બન્યા હોય છે. આ માસ્કમાં પાછળ એક ખીસું હોય છે જે ફિલ્ટરનું કામ કરે છે.
• આપણે તેમાં એક કોફી ફિલ્ટરનો ઉપયોગ કર્યો છે. પેપર ટોવેલ પણ ટેસ્ટ કરી લેવામાં આવ્યા છે. એક એક્સપરિમેન્ટ જણાવે છે કે પેપર ટોવેલના બે લેયર 0.3 માઇક્રોનને 23થી 33% બ્લોક કરે છે.
• લોકો આ દરમ્યાન ઘણા ફિલ્ટર મટિરિયલનો ઉપયોગ કરી રહ્યા છે. તેમાં એર ફિલ્ટર અને વેક્યુમ બેગ્સ સામેલ છે. આ અસરકારક હોય શકે છે, પરંતુ તેમાં જોખમ હોય છે.
• ઘણીવાર શ્વાસ લેવા લાયક નથી હોતા અને ઘણીવાર હાનિકારક ફાઈબર હોય છે, જેને તમે શ્વાસ સાથે અંદર લઇ શકો છો.
• આ સાથે જ એક એવરેજ વ્યક્તિને આટલા ફિલ્ટરેશનની જરૂર નથી હોતી. તમે જે પણ ફિલ્ટર યુઝ કરો તેમાં સુનિશ્ચિત કરો કે તેની સાઈડમાં કોઈ કોટન અથવા તેના જેવા કોઈ મટિરિયલનું કોઈ લેયર હોય.

Download Dainik Bhaskar App to read Latest Hindi News Today

Coronavirus N95 Face Mask; Eveything You Need To Know

from Divya Bhaskar https://ift.tt/30EpZCr
via IFTTT