આજે રાતે 3 વાગ્યા પછી સૂર્ય, પૃથ્વી અને શનિ એક સીધી લાઇનમાં આવી જશે; ટેલિસ્કોપ દ્વારા શનિની રિંગ જોઇ શકાશે, હવે ઓગસ્ટ 2021માં આ ખગોળીય ઘટના બનશે

20-21 જુલાઈએ દુર્લભ ખગોળીય ઘટના બનશે. આજે રાતે સૂર્ય અને શનિની વચ્ચે પૃથ્વી આવી જશે. આ ત્રણેય ગ્રહ એક સીધી લાઇનમાં આવી જશે. જેને સેટર્ન એટ અપોઝિશન કહેવામાં આવે છે. 2020 પછી આ પ્રકારની ઘટના 2 ઓગસ્ટ 2021ના રોજ થશે. આ પહેલાં 14 જુલાઈએ ગુરુ અને 16 જુલાઈએ પ્લૂટો ગ્રહ સાથે આ સ્થિતિ બની ગઇ છે.

ભોપાલની વિજ્ઞાન બ્રોડકાસ્ટર અને નેશનલ અવોર્ડ મેળવેલ સારિકા ધારૂના જણાવ્યાં પ્રમાણે આજે રાતે લગભગ 3 વાગીને 44 મિનિટે શનિ, પૃથ્વી અને સૂર્ય એક સીધી લાઇનમાં આવી જશે. અપોઝિશનની સ્થિતિમાં આ વર્ષે શનિ અને પૃથ્વીની વચ્ચે સૌથી ઓછું અંતર રહેશે. શનિ ગ્રહ પૂર્વ દિશામાં નરી આંખે તારા જેવો જોવા મળી શકે છે. ટેલિસ્કોપની મદદથી શનિની રિંગ અને તેના થોડાં ચંદ્ર પણ જોઇ શકાશે.

શનિનો એક દિવસ 11 કલાકનો રહે છેઃ-
શનિ, સૂર્યથી 149 કરોડ 76 લાખ કિમીના અંતરે સ્થિત છે. આટલાં અંતરે આ ગ્રહ સૂર્યની પરિક્રમા કરે છે. સૂર્યના પ્રકાશને શનિ સુધી પહોંચવામાં લગભગ 83 મિનિટનો સમય લાગે છે. શનિ એટલો વિશાળ ગ્રહ છે કે, તેના વ્યાસ પર 9 પૃથ્વી રાખી શકાય છે. શનિનો એક દિવસ લગભગ 11 કલાકનો હોય છે. તેનું એક વર્ષ પૃથ્વીના 29 વર્ષ જેટલું રહે છે. શનિના 82 ચંદ્ર છે. 53 ચંદ્રની પુષ્ટિ થઇ ગઇ છે જ્યારે 29 ચંદ્રની પુષ્ટિ કરવામાં આવી રહી છે.

Download Dainik Bhaskar App to read Latest Hindi News Today

Saturn At Opposition On 20 July 2020, Facts About Saturn, Astronomy In July 2020

from Divya Bhaskar https://ift.tt/32yv1Tx
via IFTTT