મેગાલેબ માત્ર 30 દિવસમાં 1 કરોડ લોકોનો ટેસ્ટ કરી શકશે, સુપર કમ્પ્યૂટરની મદદથી સ્ટડી કરવામાં આવશે

ભારતમાં કોરોના ચેપની સંખ્યા 10 લાખને વટાવી ગઈ છે. તેમજ, વિશ્વમાં આ આંકડો 1.5 કરોડને સ્પર્શવા જઈ રહ્યો છે. તે દેશોમાં ભારતનો સમાવેશ પણ થાય છે. જો કે, ભારતની આ સ્થિતિ માટે એક જવાબદાર પરિબળ એ પણ છે કે, અહીં પૂરતું ટેસ્ટિંગ નથી થયું. જો કે, મોટી સંખ્યામાં લોકોનું ટેસ્ટિંગ કરવા વિવિધ કંપનીઓ કાર્યરત થઈ ગઈ છે. આ માટે વિશ્વભરમાં કાર્યરત IITએ એક નવું ટેસ્ટિંગ મોડેલ બનાવ્યું છે. આ મોડેલની ટ્રાયલ પણ શરૂ થઈ ગઈ છે.

IIT C-19 ટાસ્ક ફોર્સની શરૂઆત ફેબ્રુઆરી 2020માં IIT એલ્યુમની કાઉન્સિલ દ્વારા કરવામાં આવી હતી. ટાસ્ક ફોર્સનો હેતુ કોવિડ-19 રોગચાળા સામે લડવા માટે વિશ્વભરના IITના લોકોની ટેક્નિક અને આર્થિક શક્તિનો ઉપયોગ કરવાનો છે. આ C-19 ટાસ્ક ફોર્સે ટેસ્ટિંગનું આ નવું મોડેલ વિકસાવ્યું છે. બે મહિના પહેલા C-19 ટાસ્ક ફોર્સે મુંબઇમાં પણ કોવિડ-19ની ટેસ્ટિંગ બસ પણ શરૂ કરી હતી. કાઉન્સિલના પ્રમુખ રવિ શર્મા જણાવી રહ્યાં છે કે, બલ્કમાં ટેસ્ટિંગ કરતું આ નવું મોડેલ કેવી રીતે કાર્ય કરશે.

એક મહિનામાં 1 કરોડ ટેસ્ટિંગ થશે
આ મોડેલની ક્ષમતા એક મહિનામાં 1 કરોડ લોકોનું ટેસ્ટિંગ કરવાની છે એવો દાવો કરવામાં આવી રહ્યો છે. કોન્ટેક્ટલેસ ટેસ્ટિંગ માટે રોબોટિક્સનો પણ ઉપયોગ કરવામાં આવશે. આ સંપૂર્ણ ટેસ્ટિંગ મોડેલનું નામ મેગાલેબ રાખવામાં આવ્યું છે.

21,000 કરોડ રૂપિયાનું ફંડ જોઇશે

• આટલા મોટા પાયે ટેસ્ટિંગ કરવા માટે 21,000 કરોડ રૂપિયાના ફંડની જરૂર પડશે. કાઉન્સિલે આવા નાણાં એકત્ર કરવા માટે એક રોડ મેપ પણ બનાવ્યો છે. આ ફંડ ત્રણ માધ્યમથી ભેગું કરવામાં આવશે.
• 1 એપ્રિલ 2020ના રોજ કાઉન્સિલે PanIIT નામનું સોશિયલ ફંડ શરૂ કર્યું છે. આ મોડેલ માટે PanIIT દ્વારા 3.000 કરોડ રૂપિયા આપવામાં આવશે.
• IIT, મુંબઈ યુનિવર્સિટી અને ICT મુંબઇએ મળીને 3,000 કરોડ રૂપિયાના વધારાના ફંડની વ્યવસ્થા કરી છે.
• પ્રોજેક્ટ પર કામ કરતી કંપનીઓને મૂડી આપવા માટે રૂ.15,000 કરોડના અલગ ફંડની વ્યવસ્થા કરવામાં આવશે. તેમાં અટલ ઇન્ક્યુબેશન મિશનની પણ મદદ લેવામાં આવશે.

ટેસ્ટિંગ લેબ ક્યાં હશે?
આટલા મોટા પાયે કોવિડ-19 ટેસ્ટનો દાવો સાંભળીને પહેલો સવાલ એ ઊભો થાય કે તેની ટેસ્ટિંગ લેબ ક્યાં હશે? જો કે, આ ટેસ્ટિંગ માટે કોઈ એક લેબનું ઇન્ફ્રાસ્ટ્રક્ચર તૈયાર કરાયું નથી. ટેસ્ટિંગ લેબ, કાર, કેબ અને કાઉન્સિલની કોવિડ-19 ટેસ્ટિંગ બસમાં થશે. આ રીમોટ લેબ્સ દ્વારા સેમ્પલ્સ ભેગાં કરવામાં આવશે. લોકોની આધારકાર્ડ અને પાસપોર્ટ દ્વારા ઓળખ કરવામાં આવશે.

બેકએન્ડ ટીમો ચાર IIT કેમ્પસમાં તૈનાત કરવામાં આવશે
ટેસ્ટિંગ કરવાની સાથે સાથે ડેટા સુરક્ષિત રાખવામાં આવશે અને દર્દીઓના સ્વાસ્થ્યમાં આવનારા ફેરફાર પણ તૈયાર કરવામાં આવશે. આ માટે ચાર IIT કેમ્પસમાં બેકએન્ડ ટીમો તૈનાત કરવામાં આવશે. આ જ ટીમો ટેસ્ટિંગ અને ટેક્નિકલ સપોર્ટ આપવાનું પણ કામ કરશે.

કોઈ દર્દી ન છૂટે એ માટે મુંબઈના બિલ્ડિંગ્સમાં Cવેજ ટેસ્ટ પણ કરવામાં આવશે
ટેસ્ટિંગ માટે સામાન્ય રીતે ઉધરસ, ગળા અને તાવ જેવા લક્ષણોના આધારે જ લોકોને પસંદ કરવામાં આવે છે. જો કે, મેગાલેબ આ માટે અન્ય ઘણી પદ્ધતિઓ પર પણ કામ કરશે. તેમાંથી એક મુંબઇની બિલ્ડિંગની ગટરની તપાસ કરવામાં આવશે ઘણા સંશોધનોમાં એ વાત બહાર આવી ચૂકી છે કે માણસના મળથી પણ તેને કોરોનાનો ચેપ લાગ્યો છે કે નહીં તે જાણી શકાય છે.

આ મોડેલ ક્યારે લાગુ થશે?
આ મોડેલના અમલ માટે ભારત સરકારની મંજૂરીની જરૂર છે. કાઉન્સિલે મે મહિનામાં જ આ મોડેલને લાગુ કરવાની દરખાસ્ત સરકારને મોકલી છે. સરકારની મંજૂરી બાદ ફાઇનલ મોડેલ તૈયાર કરવામાં આવશે.

IITએ કહ્યું - કાઉન્સિલની એક્ટિવિટીમાં અમારી કોઈ ભૂમિકા નથી

• IIT એલ્યુમની કાઉન્સિલ દ્વારા મેગાલેબ પ્લાનની જાહેરાત કર્યા બાદ દેશભરના IIT દ્વારા એક સ્ટેટમેન્ટ બહાર પાડ્યું છે. તેમાં કહેવામાં આવ્યું છે કે, કાઉન્સિલના પ્રોજેક્ટ્સ અને ઇનિશઇયેટ્સમાં IITની કોઈ ભૂમિકા નથી. તેમાં એમ પણ કહેવામાં આવ્યું છે કે, કાઉન્સિલને IITની મંજૂરી વગર તેમના લોગોનો ઉપયોગ કરવાની સ્વતંત્રતા નથી.
• આ અંગે કાઉન્સિલના પ્રમુખ રવિ શર્મા કહે છે - સ્પષ્ટ છે કે IIT એલ્યુમની કાઉન્સિલની તમામ એક્ટિવિટીઝમાં IITની Cધી ભૂમિકા નથી હોતી. કાઉન્સિલ એક અલગ બોડી છે અને x એક અલગ બોડી છે. IITના નિવેદનની ખોટી રજૂઆત કરીને કેસને ફેરવી દેવો યોગ્ય નથી.

Download Dainik Bhaskar App to read Latest Hindi News Today

Megalab will be able to test 10 million people in just 30 days, the study will be done with the help of a super computer

from Divya Bhaskar https://ift.tt/2BaGTzQ
via IFTTT