5 વર્ષ પહેલા અમેરિકાની નોકરી છોડી ગામમાં ડેરી ખોલી, ઓર્ગેનિક દૂધની પ્રોડક્ટથી વર્ષમાં રૂ. 15 લાખની કમાણી
એવું કહેવાય છે કે ઈચ્છા શક્તિ મજબુત હોય તો તમે કંઈ પણ કરી શકો છો. ઉત્તર પ્રદેશના શાહજહાંપુરમાં રહેતો શરદ ગંગવાર અમેરિકામાં નોકરી કરતો હતો. સારી કમાણી પણ હતી. પરંતુ તેણે ભારત પરત ફરવાનો નિર્ણય કર્યો અને પોતાના ગામમાં ડેરી ખોલી. તેણે હોટલ મેનેજમેન્ટનો અભ્યાસ કર્યો અને સાથે MBA પણ કર્યું છે.
શરદ પાંચ વર્ષથી ડેરીનું કામ કરી રહ્યો છે. તે ઓર્ગેનિક દૂધની પ્રોડક્ટ બનાવે છે. સાથે ગૌમૂત્ર અને છાણમાંથી જૈવિક ખાતર પણ બનાવે છે. તેનું વર્ષનું રેવન્યૂ 15 લાખ રૂપિયા છે. તે જણાવે છે કે પાંચ વર્ષ પહેલા માત્ર બે ગાયથી શરૂઆત કરી હતી. ત્યાર પછી મુશ્કેલીનો પણ સામનો કરવો પડ્યો હતો. પરંતુ મેં હિંમત હારી ન હતી. શરદે NDIR કરનાલથી ડેરી શોર્ટ ટર્મ કોર્સ કર્યો હતો. આજે તેની પાસે 70 પશુઓ છે.
શરદ કહે છે કે કોઈપણ કામની શરૂઆત પહેલા તેની ટ્રેનિંગ જરૂરી છે. અનુભવી લોકોને મળવું જોઈએ. જેઓ પહેલેથી જ આ કામ કરી રહ્યા છે તેની સાથે બેસીને કામના દરેક પાસાને સમજવા જોઈએ. આ સાથે કામ કરવા માટે મજબુત ઈચ્છા શક્તિ હોવી જોઈએ. તે વગર તમે સફળ થશો નહીં.
શરદ જણાવે છે કે MBA પછી નોકરી કરવાની ઈચ્છા હતી એટલે અમેરિકા જતો રહ્યો. ત્યાં 8 વર્ષ નોકરી કરી. સારું પેકેજ પણ મળતું હતું. પરંતુ ભાગદોડભર્યા જીવનમાં શાંતિ ન હતી. એટલા માટે મેં નક્કી કર્યું કે પોતાના દેશમાં પરત ફરવું અને કંઈક એવું કરવું કે નોકરી કરવાની જરૂર ન પડે.
શરદ ગંગવાર ખેડૂત પરીવારમાંથી છે. તેનો શરૂઆતથી જ દૂધ ઉત્પાદન સાથે લગાવ હતો. એટલા માટે નોકરી છોડ્યા પછી ડેરી શરૂ કરી. ત્યાર પછી કો-ઓપરેટિવ સોસાયટી બનાવી. તેમા લોકો જોડાતા ગયા. તે કહે છે કે જો આપણે કામ સારું કરીએ તો બજાર શોધવાની જરૂર પડતી નથી. બજાર જાતે ચાલીને આપણી પાસે આવે છે.
ડેરી સાથે શરદે બકરી પાલનનું કામ શરૂ કર્યું છે. બકરી પાલનનું કામ શરૂ કર્યું છે. બકરીઓને સમજવા માટે તેણે CIRG મથુરામાં ટ્રેનિંગ લીધી. શદર કહે છે કે તે ડેરીની બીજી પ્રોડક્ટ પણ લોન્ચ કરશે.
Download Dainik Bhaskar App to read Latest Hindi News Today
from Divya Bhaskar https://ift.tt/32vuAcM
via IFTTT
ટિપ્પણીઓ નથી: