નર્સ સિલ્વા કોરોના દર્દીઓનો સ્ટ્રેસ અને સ્ટાફનો થાક દૂર કરવા માટે વાયોલિન વગાડે છે, કહ્યું – હું આશા વહેંચી રહી છું

સાંજે 6 વાગ્યે ચિલીની એક હોસ્પિટલમાં એક નર્સન વાયોલિન લઇને આવે છે અને મધુર સંગીત વગાડીને ત્યાં રહેલા કોરોના દર્દીઓનું દિલ ખુશ કરી દે છે. વાયોલિનનું મધુર સંગીત કોરોના દર્દીઓના કાન સુધી પહોંચતા જ તેમનો તણાવ દૂર થાય છે. થોડા સમય માટે જ પણ દર્દીઓ તેમની બીમારી અને સ્ટાફ થાકને ભૂલીને રાહત અનુભવે છે. ચિલીની રાજધાની સેન્ટિયાગોની અલ-પીનો હોસ્પિટલમાં અઠવાડિયામાં બે વાર આ દૃશ્ય જોવા મળે છે.

26 વર્ષની નર્સ ડમારિસ સિલ્વા તેની ડ્યુટી પૂરી થયા પછી ક્રિટિકલ કેર યૂનિટમાં વાયોલિન લઇને આવે છે. વાયોલિન વગાડતા જ ગેલેરીમાં મધુર સંગીત ગુંજવા લાગે છે.

હું લોકોમાં આશાઓ વહેંચી રહી છું
ડમારિસ સિલ્વા કહે છે કે, કોરોનાકાળમાં હું લોકોમાં સ્નેહ, વિશ્વાસ અને આશાઓ વહેચી રહી છું. મારા વાયોલિનમાંથી નીકળતું સંગીત એ માત્ર એક ગીત નથી, તેનાથી વધારે છે કારણ કે જ્યારે પણ હું તેને વગાડું છું તો એ અવાજ સીધો મારા હૃદયમાંથી આવે છે.

ઘણા કલાકો સુધી વાયોલિન વગાડે છે
સિલ્વા અઠવાડિયામાં બે વાર કોરોના દર્દીઓની મુલાકાત લે છે અને કલાકો સુધી વાયોલિન વગાડે છે. તે દર્દીઓ માટે લેટિન ગીતો પણ ગાય છે. તે કહે છે કે જેવા દર્દીને ગીત સંભળાવવા લાગે તો તેમના ચહેરા પર સ્મિત આવી જાય છે. તેઓ અંદરથી ખુશ થઈ જાય છે. સિલ્વાની સાથેકામ કરતી નર્સ જોજ લુઇસ જાવે છે કે, તે દર્દીઓ માટે જે પણ કરે છે તે ખૂબ જ સુંદર છે.

દર્દીઓ અને સ્ટાફ તાળીઓ વગાડે છે
હોસ્પિટલમાં કામ કરતી અન્ય એક નર્સના જણાવ્યા પ્રમાણે, જ્યારે સિલ્વા ગેલેરીમાં આવે અને દર્દીઓ તેનું ગીત સાંભળે છે ત્યારે તેઓ તાળી પાડવા લાગે છે. તેની આ પહેલ દર્દીઓ અને કર્મચારીઓ બંને માટે ખૂબ આનંદપ્રદ અને જોશથી ભરપૂર છે. આ ખરેખર માનવતાનું અદભૂત ઉદાહરણ છે.

નર્સો પાસે બમણી જવાબદારી
હોસ્પિટલમાં નર્સો બમણી જવાબદારી નિભાવે છે. તેઓ દર્દીઓને સારવાર સાથે મોરલ સપોર્ટ પણ આપે છે. નર્સ મિશેલ વોઘાન રિચમોન્ડના સેન્ટ મેરી હોસ્પિટલમાં નોકરી કરે છે. મિશેલ અને તેની સાથે કામ કરતી નર્સો દર્દીઓ માટે ટેડી બિયર બનાવે છે. આ સિવાય તેના પરિવાર તરફથી ઓડિયો મેસેજ રેકોર્ડ કરીને દર્દીઓને સંભળાવે છે જેથી, તેમનો તણાવ ઓછો થાય.

ચિલી કોરોના કેસના આંકડામાં છઠ્ઠા નંબરે
ચિલી કોરોના વારસ ચેપના કેસોમાં છઠ્ઠા ક્રમે છે, જ્યાં ચેપના 3 લાખથી વધુ કેસો છે. અહીં કોરોના વાઇરસથી 2 લાખ 71 હજાર લોકો સ્વસ્થ થયા છે.

Download Dainik Bhaskar App to read Latest Hindi News Today

Nurse Silva Coro plays the violin to relieve patients' stress and staff fatigue, says - I'm sharing hope

from Divya Bhaskar https://ift.tt/3gPbdiF
via IFTTT