FDનું રિટર્ન લાભકારક નહીં, રિટેલ ફુગાવો અને ટેક્સના ભારણ હેઠળ FDનું રિટર્ન પર મળતું વ્યાજ શૂન્ય થઈ રહ્યું છે

જેગતિએ રિટેલ ફુગાવોનો દર વધી રહ્યો છે. તેના લીધે બેન્ક ફિક્સ્ડ ડિપોઝિટનુ રિટર્ન લાભકારક રહ્યુ નથી. રિટેલ ફુગાવાનો દર અને ટેક્સના ભારણ હેઠળ એફડી પર મળતા વ્યાજ શૂન્ય થઈ રહ્યા છે. અર્થાત એફડીની પાકતી મુદ્દતે મળતી રકમથી તમે એટલો સામાન ખરીદી શકશો નહીં. જેટલો રોકાણ સમયે એફડીમાં મૂકવામાં આવેલી રકમથી ખરીદી શકતા હતા.

ઉલ્લેખનીય છે કે, જૂન મહિનામાં રિટેલ ફુગાવાનો દર 6.09 ટકા નોંધાયો છે. જ્યારે તેની સામે રેપો રેટ 4 ટકા છે. સામાન્યરૂપે રેપો રેટ રિટેલ ફુગાવાની આસપાસ હોય છે. અને નાણાકીય સંસ્થાઓ રેપો રેટ કરતાં વધુ દરે વ્યાજ રજૂ કરે છે. જેથી એફડી કરનારાને રિટેલ ફુગાવા રેટ કરતાં વધુ વ્યાજ મળે છે. પરંતુ હવે રેપો રેટ રિટેલ ફુગાવા કરતાં 2 ટકા નીચો છે. બેન્કો દ્વારા એફડી પર મળતા વ્યાજ દર ફુગાવા કરતાં ઘણા ઓછા છે. અને પાકતી મુદ્દત પર મળતા વ્યાજ પર ટેક્સ ચૂકવ્યા બાદ મળતી રકમનુ મૂલ્ય વધુ ઘટશે. વરિષ્ઠ નાગરિકો માટે સ્થિતિ ચિંતાજનક બની છે. જેઓએ પોતાની મહેનતની કમાણી એફડીમાં રોકી છે. તેમની એફડી પર સંપૂર્ણ રિટર્નનો એક મોટો હિસ્સો ફુગાવા અથવા ટેક્સ હેઠળ દબાઈ જશે.

રોકાણકારોને એફડી પર રિટેલ ફુગાવા કરતાં વધુ વ્યાજ મળવાની જરૂર
બેન્કિંગ નિષ્ણાતોના જણાવ્યા મુજબ, રિટેલ ફુગાવો 6.૦9%ના દરે રોકાણકારોની ખરીદ શક્તિના સ્તર સમાન જાળવી રાખવા માટે ટેક્સના ભારણમાંથી મુક્ત વ્યક્તિને આ જ દરે વ્યાજ ચૂકવવાની જરૂર છે. જે વ્યક્તિઓ 5%ના ટેક્સ સ્લેબમાં આવે છે તેમને 6.41%ના દરે એફડી પર વ્યાજ મેળવવાની જરૂર છે. એ જ રીતે, 20% અને 30%ના ટેક્સ સ્લેબમાં સામેલ વ્યક્તિઓએ અનુક્રમે 7.61% અને 8.7% ના દરે એફડી પર વ્યાજ મળવુ જરૂરી છે.

કોર્પોરેટ એફડી અને ડેટ ફંડનો વિકલ્પ
બેંક એફડીનો વિકલ્પ પુરો થયા પછી પણ રોકાણકારો પાસે થોડા વિકલ્પો બાકી છે. મુંબઇ સ્થિત એટિકા વેલ્થ મેનેજમેન્ટના ભાગીદાર ગજેન્દ્ર કોઠારીના જણાવ્યા અનુસાર, રોકાણકારો સારી કંપનીઓની કોર્પોરેટ એફડીમાં રોકાણ કરી શકે છે. તેમાં હજી 7 થી 8 ટકાના દરે વ્યાજ મળી રહ્યું છે. આ ઉપરાંત ભારત બોન્ડ ઇટીએફ પણ એક સારો વિકલ્પ છે, જ્યાં 5.69 ટકા (પાંચ વર્ષના વિકલ્પમાં) અને 6.9 ટકા (11 વર્ષના વિકલ્પમાં) વ્યાજ મળશે. કોઠારીએ કહ્યું હતુ કે, આ બે વિકલ્પો સિવાય કોઈ ડેટ મ્યુચ્યુઅલ ફંડમાં જઈ શકે છે. જેમાં એએએ રેટેડ બોન્ડમાં રોકાણ કરી શકાય. જો તમે કર ઘટાડા પછી વળતરની તુલના કરો છો, તો આ ભંડોળ વધુ સારું વળતર આપે છે. કોઠારીએ જણાવ્યું હતું કે, સારા વળતર માટે ઇક્વિટી એક્સપોઝરવાળા ફંડમાં જઈ શકો છો.

Download Dainik Bhaskar App to read Latest Hindi News Today

FD returns not profitable, FD returns under retail inflation-tax burden

from Divya Bhaskar https://ift.tt/2Ca3PQv
via IFTTT