કચ્છમાં ફફડાટ, 24 કલાકમાં ભૂકંપના 5 આંચકા

કચ્છ, તા. 3 સપ્ટેમ્બર 2020 ગુરૂવાર 

જામનગરમાં બાદ હવે કચ્છમાં ભૂકંપના સતત આંચકા આવી રહ્યાં છે. કચ્છમાં ફરી આંચકાઓનો દોર શરૂ થયો છે. ગઈકાલે બપોરે 4.1ની તીવ્રતાનો મોટા આંચકો આવ્યા બાદ બીજા આંચકાઓ ચાલુ જ રહ્યા છે. ગઈકાલે બપોર બાદ કચ્છમાં સાગમટે પાંચ આંચકા અનુભવાયા છે. આમ, કચ્છમાં 24 કલાકમાં ભૂકંપના 5 આંચકા આવી ગયા છે. 

કચ્છના દુધઈ, દુદઈ, રાપર અને ભચાઉમાં આંચકા અનુભવાયા છે. ગઈકાલે કચ્છમાં 4.1ની તીવ્રતાનો ભૂકંપનો આંચકો અનુભવાયો હતો. આ મોટા આંચકા બાદ વધુ 4 આંચકા આવ્યા હતા. જેમાં તીવ્રતા અનુક્રમે 1.6, 2.5, 1.2 અને 1.9 રહી હતી. 

આમ, કચ્છમાં સતત ભૂકંપના આંચકાઓ આવી રહ્યાં છે. રાત્રે 9.15વાગે 1.6 તીવ્રતાનો આંચકો ભચાઉથી 9 કિ.મી દૂર ,રાત્રે 11.07 વાગે 2.5 ની તીવ્રતાનો આંચકો રાપરથી 18 કિ.મી દૂર, વહેલી સવારે 2.53 કલાકે 1.2 ની તીવ્રતાનો આંચકો દુધઈથી 17 કિમી દૂર, સવારે 5.21 વાગે 1.9ની તીવ્રતાનો આંચકો દુધઈ 18 કિમી દૂર.,આમ, પાંચમાંથી ત્રણ આંચકા દૂધઈ વિસ્તારની આસપાસ આવ્યા છે. અહીં ત્રણવાર અલગ અલગ રિક્ટર સ્કેલના આંચકા આવ્યા છે.

from Top Stories News - Gujarat Samachar : World's Leading Gujarati Newspaper https://ift.tt/2Gpz5wx
via IFTTT