ફિંગર -3ની પાસે ભારતીય સૈનિકોને મોટી સંખ્યામાં તૈનાત કરાયા

લેહ, તા. 11 સપ્ટેમ્બર 2020, શુક્રવાર

એક અંગ્રેજી અખબારના સૂત્રોના જણાવ્યા અનુસાર ચીને વાતચીત બાદ ફિંગર 4 વિસ્તાર ક્યારેય ખાલી નથી કર્યો. મંગળવારની રાતે આ વિસ્તારમાં ચીને લગભગ 2 હજાર સૈનિકો તૈનાત કર્યા. ચીનની આ હરકત બાદ ભારતે ફિંગર 3ની પાસે લગભગ આટલી જ સંખ્યામાં સૈન્ય તૈનાત કર્યું છે. આ વિસ્તારમાં તણાવ વધ્યો છે. બન્ને દેશની સેના એક બીજાથી લગભગ 500 મીટરના અંતર ઉભી છે. 

તેમણે કહ્યું કે બન્ને દેશોની સેના હથિયારથી સજ્જ છે. ઉંચા પહાડો પરથી તેઓ એક બીજાને જોઈ શકે છે. અહીં કાતિલ ઠંડી છે. અહીં ભારતે કોઈ વધારાની સેના તૈનાત નથી કરી. આસપાસના વિસ્તારોની ટુકડીને અહીં જમા કરી દીધી છે. 

ફિંગર 4ના ભાગને ગ્રીન ટોપ કહેવાય છે અને અહીં ચીની સેના છે. તે ત્યાંથી ફિંગર 3 પાસે રહેલા ભારતના ધાનસિંહ થાપા પોસ્ટને જોઈ શકે છે. ગ્રીન ટોપની ઉત્તરમાં 1 કિમીના અંતરે પિંપલ હાઈટ્સ પર ચીને કબ્જો કર્યો છે. અહીં તણાવ ઘણો વધારે છે. 

સૂત્રોના જણાવ્યા અનુસાર ભારતીય સેના ફિંગર 3 પર પહોંચવા માંગે છે. પરંતુ ભારે સંખ્યામાં ચીની સૈનિકો તૈનાત છે. સૂત્રોનો દાવો છે કે સેનાએ થોડાક દિવસ પહેલા અહીં પહોંચવાનો પ્રયાસ પણ કર્યો હતો. જો કે હાલમાં સફળતા નથી મળી.

from Top Stories News - Gujarat Samachar : World's Leading Gujarati Newspaper https://ift.tt/2Fm8T5A
via IFTTT