અમેરિકા પાસે એવાં પરમાણુ હથિયારો છે, જેની દુનિયાને ખબર જ નથી : ટ્રમ્પ
(પીટીઆઈ) વૉશિંગ્ટન, તા. 11 સપ્ટેમ્બર, 2020, શુક્રવાર
સિનિયર અમેરિકન પત્રકાર બોબ વૂડવર્ડના પુસ્તકમાં ટ્રમ્પનો ખાસ ઈન્ટરવ્યૂ લેવામાં આવ્યો હતો. એમાં ટ્રમ્પે વિવિધ મુદ્દે ધડાકા કર્યા હતા. ટ્રમ્પે પરમાણુ હિથયારો બાબતે દાવો કર્યો હતો કે અમેરિકા પાસે એવાં એવાં હિથયારો છે, જેની દુનિયાને ખબર જ નથી. જિનપિંગ અને પુતિને તો કલ્પના પણ નહીં કરી હોય કે અમેરિકા પાસે કેવા હિથયારો છે!
અમેરિકાના પ્રમુખ ડોનાલ્ડ ટ્રમ્પે સિનિયર પત્રકાર બોબ વૂડવર્ડના પુસ્તક માટે આપેલા ઈન્ટરવ્યૂમાં દાવો કર્યો હતો કે અમેરિકા પાસે એવા પરમાણુ હિથયારો છે, જેની કલ્પના પણ દુનિયાએ કરી નહીં હોય. પુતિન-જિનપિંગે વિચાર્યું પણ નહીં હોય એવા અને એટલા હિથયારો અમેરિકન લશ્કર પાસે છે.
ટ્રમ્પના દાવા પ્રમાણે અમેરિકાના એક પણ પ્રમુખે એટલું પરમાણુ હિથયારો બનાવવાનું કામ નથી કર્યું, જેટલું તેમના સાડા ત્રણ વર્ષના કાર્યકાળમાં થયું છે. દુનિયાએ ક્યારેય સાંભળ્યું નહીં હોય એવી પરમાણુ શક્તિ અમેરિકા પાસે છે. જોકે, તે અંગે વધારે સ્પષ્ટતા કરવાનો તેમણે ઈનકાર કર્યો હતો. ટ્રમ્પના કહેવા પ્રમાણે અગાઉના એકેય પ્રમુખોએ સંરક્ષણમાં જેટલું બજેટ ફાળવ્યું ન હતું એટલું બજેટ ટ્રમ્પના શાસનકાળ દરમિયાન સંરક્ષણ વિભાગને અપાયું હતું.
સંરક્ષણ વિભાગને 2.5 ટ્રિલિયન ડોલરનું ફંડ આપ્યું હોવાનું ટ્રમ્પે એ ઈન્ટરવ્યૂમાં કહ્યું હતું. ટ્રમ્પે તો ત્યાં સુધી દાવો કર્યો હતો કે અમેરિકન પત્રકાર ખાશોગીની હત્યા પછી ચોમેરથી ઘેરાયેલા સાઉદીના ક્રાઉન પ્રિન્સ મોહમ્મદ બિન સલમાનને તેમણે બચાવ્યા હતા! અમેરિકન કોંગ્રેસ સલમાન સામે પગલાં ભરવાની હતી, પણ મારા પ્રયાસોથી એ કાર્યવાહી અટકી હતી એવું ટ્રમ્પે કહ્યું હતું.
'હું ફરી પ્રમુખ બનું એનાં એક જ મહિનામાં ઈરાન કરાર કરી દેશે'
ડોનાલ્ડ ટ્રમ્પે એવો દાવો કર્યો હતો કે તે બીજી વખત પ્રમુખ બનશે તેના એક જ મહિનામાં ઈરાન અમેરિકા સાથે પરમાણુ કરાર કરી લેશે. ટ્રમ્પે ઈઝરાયેલ-યુએઈ વચ્ચે થયેલા ઐતિહાસિક કરારનો ઉલ્લેખ કરતા કહ્યું હતું કે જે રીતે આ બે દેશો વચ્ચે શાંતિ સૃથપાઈ છે એ જ રીતે અન્ય દેશો વચ્ચે પણ તે સુલેહ કરાવશે. ખાસ તો પેલેસ્ટાઈનનો વિવાદ પણ ઉકેલાશે. ઈરાન બાબતે ટ્રમ્પે કહ્યું હતું કે ઈરાનના પ્રમુખ મારી સાથે વાત કરવાના સંકેત આપ્યા છે. હું તેમની સાથે વાર્તાલાપ માટે તૈયાર છું. મારી બીજી ટર્મના એક જ મહિનામાં અમેરિકા-ઈરાન વચ્ચે ઐતિહાસિક સમજૂતિ થઈ જશે. ઈરાનની આિર્થક સિૃથતિનો ઉલ્લેખ કરતા ટ્રમ્પે ઉમેર્યું હતું કે ઈરાન ખુદ ઈચ્છે છે કે તેમની આિર્થક ગાડી ફરીથી પાટા ઉપર ચડી જાય. જો હું બીજી વખત પ્રમુખ બનીશ તો ખરેખર શાંતિ સૃથપાઈ જશે.
from Top Stories News - Gujarat Samachar : World's Leading Gujarati Newspaper https://ift.tt/3k86TNe
via IFTTT
ટિપ્પણીઓ નથી: