ડોનાલ્ડ ટ્રમ્પે કહ્યું, વાયરસ સંક્રમણ માટે ચીનને જવાબદાર ઠેરવો

વૉશિંગ્ટન, તા. 23 સપ્ટેમ્બર 2020 બુધવાર

કોરોના વાયરસ મહામારી મુદ્દે આખી દુનિયા ચીનની સચ્ચાઈ જાણે છે. આથી સંયુક્ત રાષ્ટ્રના મંચ પર ચીન પોતાની કરતૂતો બદલ ફરી એકવાર દુનિયાના સવાલોનો સામનો કરતું જોવા મળ્યું.

સંયુક્ત રાષ્ટ્રની 75મી વર્ષગાંઠના અવસરે સામાન્ય ચર્ચા દરમિયાન અમેરિકાના રાષ્ટ્રપતિ ડોનાલ્ડ ટ્રમ્પે ચીન પર ખૂબ પ્રહાર કર્યા. વર્ચ્યુઅલ રીતે આ ચર્ચામાં ભાગ લેતા ટ્રમ્પે કહ્યું કે કોરોના વાયરસના સંક્રમણ માટે સંયુક્ત રાષ્ટ્રએ ચીનને જવાબદાર ઠેરવવું જોઈએ. 

અમેરિકી રાષ્ટ્રપતિએ વિશ્વ આરોગ્ય સંગઠન (WHO)ની ભૂમિકા ઉપર પણ સવાલ ઊભા કર્યા. તેમણે કહ્યું કે, 'WHO પર ચીનનું સંપૂર્ણ નિયંત્રણ છે. આથી WHOએ વાયરસ વિશે ખોટા નિવેદનો આપ્યા. 

ટ્રમ્પે કહ્યું કે વાયરસના શરૂઆતના દિવસોમાં ચીન અને વિશ્વ આરોગ્ય સંગઠને ખોટા દાવા કર્યા કે મનુષ્યથી મનુષ્યમાં ફેલાવવાના કોઈ પુરાવા નથી. WHO હકીકતમાં ચીનના કંટ્રોલમાં છે.'

from Top Stories News - Gujarat Samachar : World's Leading Gujarati Newspaper https://ift.tt/32TNDNF
via IFTTT