રિયાએ નાર્કોટિક્સ બ્યૂરોના લૉકપમાં રાત ગુજારી, આજે જેલમાં લઇ જવાશે

- બોલિવૂડ એની વહારે ધાઇ રહ્યું છે

મુંબઇ તા.9 સપ્ટેંબર 2020 બુધવાર

અભિનેતા સુશાંત સિંઘ રાજપૂતના અકાળ અવસાન માટે મુખ્ય આરોપી ગણાતી અભિનેત્રી રિયા ચક્રવર્તીએ મંગળવારની રાત નાર્કોટિક્સ બ્યૂરોના લૉકપમાં ગુજારવી પડી હતી. એને 14 દિવસની જ્યુડિશિયલ કસ્ટડીની સજા કરાઇ હતી,

નાર્કોટિક્સ બ્યૂરોએ સતત કરેલી પૂછપરછમાં માનસિક રીતે ભાંગી પડેલી રિયાએ પોતે ડ્રગ લેતી હોવાનો એકરાર કર્યો હતો. જો કે એણે એવો દાવો કર્યો હતો કે મેન સુશાંતે ડ્રગ લેતી કરી દીધી હતી. એના દબાણ હેઠળ મેં ડ્રગ લેવાની શરૂ્આત કરી હતી.  

નાર્કોટિક્સ બ્યૂરો એવા તારણ પર પહોંચ્યો હતો કે રિયા એક ડ્રગ સિન્ડીકેટની સભ્ય હતી. આ સંજોગોમાં રિયાની મુશ્કેલી વધી ગઇ હતી. જો કે બોલિવૂડનું એક જૂથ સતત રિયાની સાથે રહ્યું હતું.

અનુરાગ કશ્યપ, સોનમ કપૂર, વિદ્યા બાલન, ફરહાન અખ્તર, અમૃતા અરોરા, દિયા મિર્ઝા, શિવાની દાંડેકર, અંગદ બદી, રાધિકા મદન, શ્વેતા બચ્ચન વગેરે સેલેબ્રિટિઝે સોશ્યલ મિડિયા પર રિયાની તરફેણમાં માહૌલ બનાવવાના પ્રયાસ કર્યા હતા.

રિયા ઉપરાંત એના ભાઇ શૌવિક અને સુશાંતના સહાયક દીપક સાવંતને પણ નાર્કોટિક્સ બ્યૂરોએ પકડ્યા હતા. દીપકે પોતે રિયા અને શૌવિકના કહેવાથી ડ્રગ લાવી આપતો હોવાની કબૂલાત આપી હતી. એથી શૌવિક અને રિયાનો કેસ નબળો પડ્યો હતો.

સુશાંત સિંઘ રાજપૂતના બેંક એકાઉન્ટમાંથી રિયાએ નાણાંકીય ગોલમાલ કરી હોવાના આક્ષેપ પણ એના પર મૂકાઇ ચૂક્યા હતા. એ અંગે પણ એન્ફોર્સમેન્ટ ડિરેક્ટોરેટે સતત એની પૂછપરછ કરી હતી. આમ રિયા અત્યારે ચારે કોરથી ઘેરાઇ ગઇ હોવાની છાપ પડી રહી હતી. 

અત્યાર અગાઉ કોઇ ફિલ્મ અભિનેતાના અકાળ અવસાને આટલી હદે હો હા સર્જી નહોતી.

from Top Stories News - Gujarat Samachar : World's Leading Gujarati Newspaper https://ift.tt/2ZjPRDH
via IFTTT