આગ્રા: બસના અપહરણકારો અને પોલીસ વચ્ચે ફાયરીંગ

- આગ્રાની બસનું 34 ઉતારુ સાથે અપહરણ થયું હતું 

- ફાઇનાન્સર લઇ ગયો હતો, આજે સવારે અથડામણ થઇ

આગ્રા તા.20 ઑગષ્ટ 2020 ગુરૂવાર

34 ઉતારુ સાથે એક બસનું અપહરણ કરી જનારા બદમાશો અને પોલીસ વચ્ચે આજે ગુરૂવારે સવારે ફતેહાબાદ વિસ્તારમાં અથડામણ થઇ હતી. બંને પક્ષે સામસામા ગોળીબાર કર્યા હતા. એક બદમાશ નાસી જવામાં સફળ રહ્યો હતો જ્યારે બીજા એક બદમાશને પગમાં ગોળી વાગી હતી.

અગાઉના અહેવાલ મુજબ આ બસ માટે ફાઇનાન્સ કરનારા ફાઇનાન્સરે બસ માલિક લોનનો હપ્તો ચૂકવવામાં નિષ્ફળ જતાં બસ પોતાને ગબજે લીધી હતી અને હાઇવે પર બસના ડ્રાઇવર અને કન્ડક્ટરને છોડી મૂક્યા હતા. ત્યારબાદ બસને આગળ લઇ ગયો હતો અને ઝાંસીમાં ચોત્રીસે ચોત્રીસ ઉતારુને પણ મુક્ત કર્યા હતા. ઇજાગ્રસ્ત  થયેલા બદમાશની ઓળખ પ્રદીપ ગુપ્તા તરીકે થઇ ઙતી. એની પૂછપરછ ચાલુ હતી. 

સમર્થનવિહોણા એક અહેવાલ મુજબ આ પ્રદીપ ગુપ્તાજ ફાઇનાન્સર હોવાનું કહેવાય છે. ગઇ કાલે પરોઢિયે ત્રણ વાગ્યે આ બસ ગુરૂગ્રામથી ઝાંસી, છતરપુર, પન્ના વગેરે સ્થળોના ઉતારુઓને લઇને નીકળી હતી. આગ્રાના બાય પાસ પાસે બસ પહોંચી ત્યારે ઝાઇલો કારમાં આવેલા બદમાશોએ બસ કબજે કરી હતી અને ડ્રાઇવર તથા કંડક્ટરને પોતાની સાથે કારમાં લીધા હતા. કારમાં આવેલો એક બદમાશ બસ ચલાવતો થયો હતો. બસમાં ઊંઘી રહેલા ઉતારુઓને આમાંની કશી વાતની જાણ નહોતી. પાછળથી બધા ઉતારુઓને સહીસલામત બીજા વાહન દ્વારા ઝાંસી પહોંચતા કરવામાં આવ્યા હતા.. 

પાછળથી બસને ઇટાવામાં પોલીસે કબજે કરી હતી. આજે સવારે પોલીસ અને બદમાશો વચ્ચે અથડામણ થઇ હતી. ઝાઇલો કારમાં આવેલા અન્ય બદમાશોને પોલીસ શોધી રહી હતી. 

બસનું અપહરણ થયું  ત્યારે શરૂમાં પરસ્પર વિરોધી લાગે એવા અહેવાલો વહેતા થયા હતા. પાછળથી જાણ થઇ હતી કે આ બસનું અપહરણ ફાઇનાન્સરે કરાવ્યું હતું કારણ કે લોનના હપ્તા નિયમિત ચૂકવાતા નહોતા.

from Top Stories News - Gujarat Samachar : World's Leading Gujarati Newspaper https://ift.tt/2Yk48A1
via IFTTT