ઉત્તર પ્રદેશ વિધાનસભાની સાત બેઠકો પર મતદાન શરૂ, 10 નવેમ્બરે મતગણતરી

-2022ની ચૂંટણીનું ગ્રાન્ડ રિહર્સલ ગણાય છે

લખનઉ તા.3 નવેંબર 2020 મંગળવાર

ઉત્તર પ્રદેશ વિધાનસભાની સાત બેઠકોની પેટાચૂંટણીના મતદાનનો આજે સવારે આરંભ થયો હતો. આજના મતદાનની મતગણતરી 10 નવેંબરે થવાની છે. રાજકીય નિરીક્ષકો માને છે કે આજની ચૂંટણી 2022માં આવી રહેલી વિધાનસભાની ચૂંટણીના ગ્રાન્ડ રિહર્સલ જેવી હતી.

છેલ્લા થોડા મહિનાથી ઉત્તર પ્રદેશમાં અપરાધખોરીએ માઝા મૂકી હતી. રામ મંદિરનો મુદ્દો હવે રહ્યો નહોતો. એટલે આજે મતદારો કોને કેટલી હદે પસંદ કરે છે એ જોવાનું રસપ્રદ થઇ પડશે. આજની પેટાચૂંટણીને ભાજપ માટે લિટમસ ટેસ્ટ જેવી ગણવામાં આવી રહી હતી. જો કે ઉત્તર પ્રદેશની સરકાર માટે આજની ચૂંટણીનું કોઇ રાજકીય મહત્ત્વ નથી. 

સાતમાંની બે બેઠક ભાજપના નેતાઓના અકાળ અવસાનના પગલે ખાલી પડી હતી. દેવરિયાના ભાજપી ધારાસભ્ય જનમેજય સિંઘ અને રાજ્યના કેબિનેટ પ્રધાન ચેતન ચૌહાણ-આ બેના આકસ્મિક નિધનના પગલે તેમની બેઠક ખાલી પડી હતી.

આજની બેઠકોના કુલ મતદારો ત્રણ લાખ 43 હજાર છે જેમાં 1,87,397 પુરુષ મતદારો છે અને 1,55,580  મહિલા મતદારો છે. 507 મતદાન કેન્દ્રોમાં 299 બૂથ ઊભાં કરાયાં હતાં. કોરોનાને ધ્યાનમાં રાખીને સોશ્યલ ડિસ્ટન્સીંગ અને માસ્ક ફરજિયાત કરવામાં આવ્યા હતા.

from Top Stories News - Gujarat Samachar : World's Leading Gujarati Newspaper https://ift.tt/2TUfkjX
via IFTTT