બિહારમાં બીજા તબક્કાના વોટિંગનો આરંભ થયો, આઠ વાગ્યા સુધીમાં ચાર ટકા મતદાન થયું

- પરિવર્તન શરૂ થઇ ચૂક્યું છે, રાબડી બોલ્યાં

પટણા તા.3 નવેંબર 2020 મંગળવાર

બિહાર વિધાનસભાની ચૂંટણીના બીજા તબક્કાના મતદાનનો આજે સવારે શાંતિપૂર્ણ આરંભ થયો હતો. સવારે આઠ વાગ્યે ચાર ટકા મતદાન થઇ ચૂક્યું હતું.

રાજદના લાલુ પ્રસાદ યાદવનાં પત્ની અને ભૂતપૂર્વ મુખ્ય પ્રધાન રાબડી દેવીએ એવો દાવો કર્યો હતો કે પરિવર્તનની શરૂઆત થઇ ચૂકી છે. આજે 17 જિલ્લાની 94 બેઠકો માટે મતદાન થઇ રહ્યું હતું. આ 94 બેઠકો માટે કુલ 1,463 ઉમેદવારો મેદાનમાં હતા. આજે જે જિલ્લામાં મતદાન થઇ રહ્યું હતું એમાં પશ્ચિમ ચંપારણ, પૂર્વ ચંપારણ, શિવહર, સીતામઢી, મધુબની, દરભંગા, મુઝૉફ્ફરપુર, ગોપાલગંજ, સિવાન, છપરા, વૈશાલી, સમસ્તીપુર, બેગુસરાય ખગડિયા, ભાગલપુર, નાલંદા અને પટણાનો સમાવેશ થયો હતો.

from Top Stories News - Gujarat Samachar : World's Leading Gujarati Newspaper https://ift.tt/3oQH7Ai
via IFTTT