24 કલાકમાં બે બેન્કો પર એક્શન, લક્ષ્મી વિલાસ બાદ RBIએ આ બેન્ક પર લાદ્યો પ્રતિબંધ
નવી દિલ્હી, તા. 18 નવેમ્બર 2020 બુધવાર
ભારતીય રિઝર્વ બેન્કે લક્ષ્મી વિલાસ બાદ વધુ એક બેન્ક પર પ્રતિબંધ લગાવ્યો છે. જોકે, આ પ્રતિબંધ મહારાષ્ટ્રના જાલના જિલ્લામાં મંતા અર્બન કો-ઑપરેટીવ બેન્ક પર લાગ્યો છે. આરબીઆઈ અનુસાર તેમણે આ બેન્કને કેટલાક નિર્દેશ આપ્યા છે. જે 17 નવેમ્બર 2020એ બેન્ક બંધ થયા બાદથી છ મહિના સુધી પ્રભાવી હશે.
આ નિર્દેશો અનુસાર, આ બેન્ક આરબીઆઈની અનુમતિ વિના કોઈ ઉધાર આપી શકશે નહીં અને જૂના દેવાનું નવીનીકરણ અથવા કોઈ રોકાણ કરી શકશે નહીં. બેન્ક પર નવી જમા રાશિ સ્વીકાર કરવા પર પણ પ્રતિબંધ લગાવી દેવાયો છે. તે કોઈ ચૂકવણી પણ કરી શકશે નહીં અને ના ચૂકવણી કરવાનુ કોઈ સમાધાન કરી શકશે. જોકે, આરબીઆઈએ પ્રતિબંધનો આધાર જણાવ્યો નથી.
ગયા વર્ષે સપ્ટેમ્બરમાં રિઝર્વ બેન્કે પંજાબ એન્ડ મહારાષ્ટ્ર કો-ઑપરેટીવ બેન્કમાં થઈ રહેલા કથિત કૌભાંડની જાણ થઈ હતી. આ કૌભાંડ સામે આવતા જ આરબીઆઈએ બેન્ક પર પ્રતિબંધ લગાવી દીધો હતો. બેન્કને સંકટથી બચાવવા માટે આરબીઆઈએ 24 સપ્ટેમ્બર 2019એ રોકડ નીકાળવા પર એક સીમા અથવા મોરેટોરિયમ લગાવી દીધુ હતુ.
લક્ષ્મી વિલાસ પર પણ લાગ્યો છે પ્રતિબંધ
અગાઉ નાણાકીય સંકટમાંથી પસાર થઈ રહેલા ખાનગી ક્ષેત્રના લક્ષ્મી વિલાસ બેન્ક પર એક મહિના માટે પ્રતિબંધ લગાવી દીધો છે. આ પ્રતિબંધમાં બેન્કનો કોઈ ખાતાધારક વધારેથી વધારે 25,000 રૂપિયા સુધીનુ ક્લિઅરન્સ કરી શકશે. બેન્કની નાણાકીય પરિસ્થિતિને જોતા આ પગલુ ઉઠાવવામાં આવ્યુ છે. ભારતીય રિઝર્વ બેન્કે એક નિવેદનમાં કહ્યુ કે બેન્ક તરફથી વિશ્વસનીય પુનરોદ્ધાર યોજના રજૂ ના કરવાની સ્થિતિમાં જમાધારકોના હિતમાં આ નિર્ણય કરવામાં આવ્યો છે. સાથે જ બેન્કિંગ અને નાણાંકીય ક્ષેત્રની સ્થિરતાના હિતોનો પણ ખ્યાલ રાખવામાં આવ્યો છે.
કેન્દ્રીય બેન્કે કહ્યુ કે આ સિવાય કોઈ વિકલ્પ બચ્યો નથી. તેથી બેન્કિંગ નિયમન અધિનિયમ 1949 ની કલમ 45 હેઠળ કેન્દ્ર સરકારના ખાનગી ક્ષેત્રના બેન્ક પર પ્રતિબંધ લગાવવામાં આવ્યો છે. યસ બેન્ક બાદ આ વર્ષે મુશ્કેલીઓમાં ફસાયેલી લક્ષ્મી વિલાસ બેન્ક ખાનગી ક્ષેત્રની બીજી મોટી બેન્ક બની ગઈ છે. યસ બેન્કની ઉપર માર્ચમાં પ્રતિબંધ લગાવવામાં આવ્યો હતો. સરકારે ત્યારે ભારતીય સ્ટેટ બેન્કની મદદથી યસ બેન્કને ઉગારી હતી. એસબીઆઈએ યસ બેન્કની 45 ટકા ભાગીદારીના બદલે 7, 250 કરોડ રૂપિયા લગાવ્યા હતા.
from Top Stories News - Gujarat Samachar : World's Leading Gujarati Newspaper https://ift.tt/36KjD7I
via IFTTT
ટિપ્પણીઓ નથી: