Delhi Air Pollution: આતિશબાજીએ કરી દિલ્હીની હાલત ખરાબ, ખૂબ ફૂટ્યા ફટાકડા, હવા પ્રદૂષિત

નવી દિલ્હી, તા. 15 નવેમ્બર 2020 રવિવાર

એનજીટીના આદેશ અને દિલ્હી સરકારના આગ્રહને અવગણતા દિલ્હીવાસીઓએ દિવાળી પર ખૂબ ફટાકડા ફોડ્યા. પરિણામે પહેલાથી ખરાબ દિલ્હીની હવા વધુ ખરાબ થઈ ગઈ અને ગંભીર સ્થિતિમાં પહોંચી ગઈ. દરેક સ્થળે એક્યુઆઈ વધતો જોવા મળ્યો. પ્રદૂષણ નિયંત્રણ સમિતિ અનુસાર આનંદ વિહારમાં 481 એક્યુઆઈ રેકોર્ડ કરવામાં આવ્યો. આ જ રીતે આઈજીઆઈ એરપોર્ટ પર 444, આઈટીઓ પર 457 અને લોધી રોડ પર 414 એક્યુઆઈ રેકોર્ડ થયો.

ગોવિંદપુરી, કાલકાજી, ગ્રેટર કૈલાશથી લઈને ઈન્ડિયા ગેટ સુધીના વિસ્તારમાં હવાની ગુણવત્તા ખરાબ થઈ છે. ફટાકડાના પ્રદૂષણના કારણે કોલોનીઓમાં ધુમાડાની ચાદર પ્રસરી ગઈ. રસ્તાથી લઈને કોલોનીઓમાં ફટાકડાનું ગેરકાયદેસર વેચાણ થયુ અને તેને સળગાવવામાં આવ્યા. ગ્રીન ફટાકડાની જગ્યાએ પ્રદૂષણ ફેલાવનારા ફટાકડાનો ખૂબ ઉપયોગ થયો. જે બાદ દિલ્હી-એનસીઆરમાં શનિવારે પ્રદૂષણ ગંભીર સ્તરે પહોંચી ગયો.

નેશનલ ગ્રીન ટ્રાયબ્યુનલે દિલ્હી-એનસીઆરમાં 30 નવેમ્બર સુધી તમામ પ્રકારના ફટાકડાના વેચાણ અને ઉપયોગ પર પ્રતિબંધ લાદ્યો છે. તેમ છતાં દિવાળી પર ખૂબ આતિશબાજી થઈ. દિલ્હીની હવાને સ્વચ્છ કરવા અને પ્રદૂષણને ઓછુ કરવા માટે રાજધાની વિભિન્ન વિસ્તારોમાં નગર નિગમની ગાડીઓ પાણીનો છંટકાવ કરી રહી રહ્યા છે. આ ગાડીઓ પ્રદૂષણની અધિકતા વાળા વિસ્તારોની સાથે જ ભીડ ભરેલા બજારોમાં પણ પાણીનો છંટકાવ કરી રહી છે.

આ ક્રમમાં ઉત્તરી દિલ્હી નગર નિગમ તરફથી સદર બજાર વિસ્તારમાં પાણીનો છંટકાવ કરવામાં આવ્યો. જેને લઈને મેયરે કહ્યુ કે પ્રદૂષણને ઓછુ કરવાની જવાબદારી દિલ્હી સરકારની છે. પરંતુ તે ઉંઘી રહી છે જ્યારે અમે કામ કરી રહ્યા છે.

from Top Stories News - Gujarat Samachar : World's Leading Gujarati Newspaper https://ift.tt/3nmJIjV
via IFTTT